Біріне-бірі сілтейді

«Көк базардағы» өзін-өзі жұ­мыспен қамтамасыз етіп отырған 3500 адамның аманатын арқалап, бармаған жеріміз, ашпаған есігіміз қалмады. Содан кейін ел газеті «Егеменге» жүгінуге мәжбүр бо­лып отырмыз. Мемлекет басшы­сы­ның тапсырмасына сәйкес шенеуніктер орта тап өкіл­дерінің санын арттыруға үлес қоса ма десек біздер үлкен проб­лемаға тап болдық. «Көк базар» бүгінде Астананың халқын, бала-бақшасын, жетімдер үй­лерін, дүкендері мен асхана­ла­рын арзан азық-түлікпен, халал етпен қамтамасыз етіп отырған ірі сауда орны болып табылады. Осы ара­да атап айтпағымыз – мамыр айы­ның 12-сінен бастап «Көк базар» ғимараттары электр жүйе­сінен ажыратылды. Жөнін сұрасақ, «Еңбек-Ақмола» республикалық мем­лекеттік кәсіпорны басшысы­ның тапсырмасы бойынша өшірдік дейді. Біздің шаруашылық 2007 жы­лы «Әмбебап сауда базары» болып пайдалануға тапсырыл­ған. Құрылыс кезінде «Астана қалалық электр жүйесі» комму­налдық мемлекеттік кәсіпорны берген «техусловия» талапта­ры­на сәйкес «Еңбек-Ақмола» РМК меншігіндегі трансформаторлық подстансаға ондаған млн. тең­геге электр жүйесін тартып қо­сылғанбыз. Шарт бойынша тұ­тынған электр қуатына мемлекет белгіленген тарифпен ақша­сын уақытында «Астана­энер­гос­быт» кәсіпорнына төлеп оты­рамыз. Пайдаланған транс­фор­маторлық подстанса үшін «Ең­бек-Ақмола» кәсіпорнына әр тұ­тынған киловатқа қосымша 57 тиын тағы төлеп келеміз. Еке­уінің алдында да «Көк базар» меншік иесі «Нұрбе­ре­ке-555» серіктестігінің қарызы жоқ және болған емес. Соған қарамастан, заңды, сондай-ақ шарттық міндеттемелер белінен басылып, базар жарықсыз қал­ды­рылып отыр. Бүгінгі күні тоңазытқыштар істемейтіндіктен, тонна-тонна аз­ық-түлік тауарлары бүлініп, қоқысқа айналуда, төлейтін несиелеріміз өсіп, кредитор­лары­мыздың алдында белшемізден шығынға батудамыз. «Еңбек-Ақмола» кәсіпорны болса, меншігіндегі трансфор­ма­торлық подстансаны «Астана қалалық электр жүйесі» кә­сіп­орны қабылдап алсын деп талап қоюда. Ал соңғысы 50 млн. тең­генің жөндеу жұмысы бар, сон­дықтан қабылдамаймыз деген шешімге келген. Осылайша са­ту­шылар мен сатып алушылар ешбір жазықсыз жапа шегудеміз. «Нұр Отан» ХДП-ның Астана қалалық филиалына барып едік, түсіністік танытпады, ал­дау­сыратып қана шығарып сал­ды. Қолы жұмыстан күс болып, арқасы ауыртпалықтан еңкейген адамдарға күл болмасаң, бүл бол дегендей көзқарас танытуға бола ма? Базарға келіп алып, баға кө­термеңдер дейтіндер бұл шаруа біздің мәселеміз емес деп шық­ты. «Нұр Отан» ХДП-ның Ор­талық аппаратына бардық, онда бізді қарсы алған «Нұр Отан» ХДП Орталық аппараты Қо­ғам­дық қабылдау бөлмесінің мең­ге­рушісі Жұмажан Жүкенов, оба­лы не керек, қолынан келгенше жан-жаққа хабарласты, бірақ онысынан еш нәтиже шықпады. Біз бұдан кейін Астана әкім­дігіне бардық, онда әкімнің ор­ынбасары Василий Крылов жергілікті бюджеттен бөлетін ақ­шамыз жоқ, өздерің 90 млн. теңге төлеңдер, сонда «Астана қалалық электр жүйесі» кәсіп­орнының басшысы тартып беретінін айтты, деді.  Әр тиынды есептеп пайда­ланып отырған біздерде ондай мол ақша қайдан болсын?! Осы мәселемен біздер Әді­лет министрінің орынбасары А.Аманбаевтың жеке қабыл­да­уы­на жазылып бардық. Мән-жайды түсіндірдік, ол КУИС төрағасының міндетін атқарушы М.Шабақбаевқа жіберді, өз кезегінде ол «Еңбек-Ақмола» кә­сіп­орнына сілтеді. Оның бас­шы­сы біресе Алматы ауданының әкімі С.Ахметов рұқсат етпейді десе, бірде қала басшылары қарсы екенін айтып жалтарды. Амалдары таусылған базар жұмысшылары көшені жапты. Теледидардан мұң-мұқта­жы­мыз­ды жеткіздік. Бірақ біздің зарымызға, бізге жасалып отыр­ған қиянатқа ешкім назар аударар емес... Ербол АСАНОВ, әмбебап «Көк базар» базары әкімшілігінің басшысы.