Кент тұрғындары Елбасын қолдайды

Біз Екібастұз қаласына қарасты Солнечный кентінде тұрамыз. Мемлекет басшысы Нұрсұлтан Назарбаевтың ел Тәуелсіздігінің 25 жылдығына арналған салтанатты жиналыста сөйлеген сөзін теледидар арқылы тыңдап, көріп отырдық. Елбасының өзі де «Қазір тікелей эфирден біздің салтанатты жиналысымызды бүкіл еліміз көріп отыр. Сондықтан осы күрделі жылдарда Отанымыздың игілігі жолында біртұтас отбасы секілді жұмыла жұмыс істеген баршаңызға шын көңілден шыққан ризашылығымды білдіргім келеді. Еліміздегі барша қазақстандықтарға, қазір теледидар экранының алдында отырған әр қала мен ауылдағы адамдарға, тіпті осы мерекелі күндері жұмыстарын жалғастырып жатқандардың бәріне, барша азаматтарға – жұмысшылар мен фермерлерге, мұғалімдер мен дәрігерлерге, ғалымдар мен кәсіпкерлерге, өнер және мәдениет қайраткерлеріне, мемлекеттік қызметкерлер мен әскери қызметкерлерге, жастарымызға ризашылығымды білдіремін», деді. Әрине, жиынды тікелей эфир арқылы көрген біздің кент тұрғындары да, еліміздің басқа да халқы сияқты, ризалық білдіріп, жалынды сәлем жолдайды. Ал, біздің кент өндірісті кент, осы жерде әлемге әйгілі ГРЭС-2 стансасы орналасқан. Жалпы, тұрғындарымыздың саны әртүрлі ұлт өкілдерінен құралған 7 мыңдай адамды құрайды. Былтыр Өзбекстан мен Моңғолиядан бірнеше отбасы көшіп келді. Мемлекеттік тұрғын үй қорынан есепте тұрған 4 оралман отбасы пәтерлер кілтін алды. Нұрсұлтан Назарбаевтың жиында «Атамекеніне ағылған қазақтың көші 25 жылдан бері бір сәт те тоқтаған емес, қазір де жалғасуда...» деп атап өтуі де сондықтан. Біздің тұрғындарымыз Екібастұзда, өзіміздің стансада еңбек етуде. Барлығы да түгелдей еңбекпен қамтамасыз етілген. Өндіріс пен ауыл бір-біріне қарасып, бірлесе жұмыс жасауда. Станса – біздің кенттің басты демеушсі, қолдаушысы. «Біз Жалпыға Ортақ Еңбек Қоғамы бірегей идеясын табысты жүзеге асырып жатырмыз. Бізде жұмыссыздық 2,6 есеге қысқарды. Соңғы бесжылдықта біз жылда орта есеппен 270 мың жаңа жұмыс орнын ашып келеміз. Кейінгі он жарым жыл ішінде орташа еңбекақы мен зейнетақы 10 еседен астамға ұлғайды. Ауылды көтерудің ауқымды бағдарламасы жүзеге асырылды, ауылдықтардың тұрмыс деңгейі өсті», деп атап өтті Президент. Кенттің негізгі саласы өнеркәсіп, сондай-ақ, мал шаруашылығын, шағын және орта бизнесті дамыту болып табылады. Осы салтанатты жиында Елбасы «Біз – даламыз бен қаламызды бірге көркейткен қуатты халықпыз, Арқа төсіне Тәуелсіздігіміздің салтанатты символы – елордамызды орнатқан халықпыз» деп айтып өткені біздің де кентке айтылғандай, өйткені, кең далада орын тепкен кентімізді, биікке әуелеген стансаның алып мұржасы ерекше етіп көрсетеді. Мұнда тынымсыз еңбек, өйткені бұл жерде электр энергиясы өндіріледі. Қазір ГРЭС-2-де бірінші энергоблокты күрделі жөн­деу аяқталды. Іске асырылған жөн­деу жұмыстары энергетикалық жаб­дық­тардың жұмыс істеу мерзімін ұзарту­ды, энергоблок жұмысының сенімді­лігін және үнемділігін арттыруды қам­тамасыз етеді. Елбасы жиында «біз эконо­миканың тиімді моделін жасадық. Бізде коммуникацияның, өндірістің, электр таратудың бірыңғай жүйесі бол­ған жоқ. Біз оны Тәуелсіздік жылдары қалып­тастырдық. Автомобиль жолдары мен темір жолдар біздің байтақ еліміз­дің әр тарапын тікелей байланыстырмай­тындай етіп салынып, барлығы да сол­түстікке қарай кететін», деп айтып өтті. 2014-2018 жылдарға арналған жұ­мыспен қамтудың жол картасын әзір­ледік, оның негізінде осы бағыттарда мониторинг және жүйелі жұмыс жүргізіліп келеді. Биыл мемлекеттік тұрғын үй қорынан жалпы есепте тұрған 17 азамат тұрғын үй алды. Алдағы жылы кентте 700 оқушыға арналған қазақ мектебінің құрылысы басталады. Маржан АЛШЫМБАЕВА, Солнечный кентінің әкімі Павлодар облысы, Екібастұз қаласы