Бюджет көрсеткіштері нақтыланды

Премьер-Министр Кәрім Мә­сі­мовтің төрағалығымен өткен кешегі Үкімет отырысында 2011 жылға арналған негізгі макро­эко­номикалық көрсеткіштер бол­жамы нақтыланды. Осы мәселе бойынша баяндама жасаған Эко­номикалық даму және сауда министрі Қайрат Келімбетовтің ай­туына қарағанда, көрсеткіштер болжамын нақтылауға ішкі жал­пы өнім бойынша болжанған ба­за­ның ұлғаюы, экономика сала­ла­рының жыл басына қарағандағы қарқынды дамуы әрі 2010 жыл­мен салыстырғанда әлемдік тауар рыноктарындағы энергия ресурс­та­рына, ауылшаруашылық өнім­де­ріне және металға деген сұра­ныстардың артып, олардың баға­сының көтерілуі әсер еткен. Мә­селен, үстіміздегі жылдың қаң­тар-шілде айларындағы әлемдік рыноктағы мұнайдың орташа ба­ғасы 1 барреліне 111,78 АҚШ дол­ларын құрады. Мұның өзі біздегі мұнай бағасының болжамды 1 баррелі 65 доллардан болады деген көрсеткішті 90 долларға дейін көтеруге мүмкіндік беріп отыр. Міне, осындай себептерге бай­ланысты жыл ішіндегі отан­дық экономиканың өсімі бұрын­ғы болжамды көрсеткішке (5 пай­ыз) қарағанда, одан да көте­рі­ліп (2 пайызға), 7 пайыз болады деп бұрынғы болжамды нақты­лан­дыра түсуге себепші болды. Сонымен қатар, 2011 жылы өнеркәсіп өнімінің көлемі 6 пай­ызға өседі, мұнай өндіру көлемі 81 миллион тоннаға жетеді деп қайтадан нақтыландырылды. Осылардың нәтижесінде экс­порт­тың жылдық көлемі бұ­рынғы болжамдардан 17,2 миллиард долларға артып, 76,3 миллиард долларды, ал импорт бол­жамы 38,4 миллиард долларды құрамақ. Еліміздің негізгі макро­эконо­ми­калық көрсеткіштері болжа­мы­ның осылайша өсу жағына қарай қайта нақтылануы 2011 жылға арналған республикалық бюджет параметрлерін қайта қа­рауға негіз болды. Осы мәселе бой­ынша баяндама жасаған Қар­жы министрі Болат Жәмішев 2011 жылға арналған респуб­ли­ка­лық бюджеттің түсімдері бұ­рынғыға қарағанда 183,3 миллиард теңгеге арттырылып, жалпы көрсеткіш 4 триллион 439,9 миллиард теңге болады деп қайта жоспарланғандығын жеткізді. Бұл қосымша кіріс көздері корпоративтік табыс салығы, қосылған құн салығы, Қазақстан Респуб­ликасының аумағында өндірілген тауарларға, орындалған жұмыс­тар­ға және көрсетілген қызмет­тер­ге салынатын қосылған құн салығы, республикамыз аума­ғы­на импортталатын тауарларға са­лынатын қосылған құн салығы болжамды көрсеткіштерінің бұ­рын­ғыға қарағанда едәуір дәре­жеде өсе түсуі есебінен алынбақ. Республикалық бюджет кірісі­нің артуы оның шығындарын да арттыра түсуге мүмкіндік беретіндігі айқын. Сондықтан рес­пуб­ликалық бюджеттің шығыс бө­лі­гіндегі қаржы көлемі де бұрын­ғыға қарағанда 217,9 миллиард теңгеге өсіріліп, 5 триллион 170,3 миллиард теңге болады деп болжанып отыр. Сонымен қорыта айтқанда, осы жолғы республикалық бюд­жеттің нақтылануы ел халқының пайдасына қарай шешілді деп анық айта аламыз. Соның нақты дәлелі ретінде әлеуметтік салаға бөлінетін шығындардың бұрын­ғы­дан 40 миллиард теңгеге арта түскендігін айтуға болады. Сұңғат ӘЛІПБАЙ.