Франция елшісін қабылдады

Кеше Парламент Сенатының Төрағасы Қайрат Мәми Фран­цияның Қазақстандағы елшісі Жан-Шарль Бертонэні қабылдады, деп хабарлады Сенаттың бас­пасөз қызметі. Кездесу барысында Қазақстан мен Францияның екіжақты қа­ты­нас­тарын, оның ішінде парла­мент­аралық деңгейдегі байла­ныс­тарды одан әрі нығайту мә­се­лелері талқы­лан­ды. «Франция Қазақстанның Еу­ропадағы ма­ңыз­ды әріптес­те­рі­нің бірі болып табылады», деді Қ.Мәми. Екі ел арасындағы саяси сын­дарлы үнқатысуды атап өте келіп, Сенат Төрағасы президенттер Н.На­зарбаев пен Н.Саркози ар­а­сын­да қалыптасқан сенімді және дос­тық байланыстарды атап өтті. Со­нымен қатар, Қазақстанның сырт­қы саяси бастамаларына қол­дау білдіргені үшін Франция бас­шы­­лығына ризашылығын білдірді. Парламент Сенатында Франция Сенатымен ынтымақтастық тобы жұмыс істейді. Франция Сенатында біздің еліміздің ежелгі досы сенатор Эмери Де Монтескью басқаратын «Франция-Қазақстан» достық тобы құрыл­ды, деді Қ.Мәми. Бұдан кейін Төр­аға өз әріптесіне, Франция Сенатының төрағасына сәлем жолдады және өзіне қолайлы уа­қытта Қазақстанға ресми сапармен келуге шақырды.