Екі жаққа да тиімді болмақ

Кеше Парламент Мәжілісінің Төрағасы Орал Мұха­мед­жанов Германия Федеративтік Республикасының Бундес­т­а­гы­нан келген делегацияны қабылдады, деп хабарлады осы па­ла­та­ның баспасөз қызметі. Кездесуде Мәжіліс Төрағасы соңғы жылдары Қазақстан мен Германия арасындағы ынтымақ­тас­тық байланыстардың өрістей түскенін атап өтті. Осы сөзіміздің дәлеліндей, 2009 жылы Қазақ­стан­ның Германиядағы жылы және 2010 жылы Германияның Қа­зақ еліндегі жылы табысты жү­зеге асқаны анық. Екі елдің ара­сындағы парламентаралық бай­ланыс та жылдан-жылға ны­ғайып келеді. 2010 жылдың қорытын­дысы бойынша Германия Қазақ­станмен сауда-экономикалық бай­ланысы алтыншы орынға көтерілді. «Германия Қазақстанның кәрі құрлықтағы және Еуропалық Одақтағы сенімді әріптесі болып табылады», – деді Орал Мұха­мед­жанов. Бүгінгі басқосуда негізінен тұрғындарды азық-түлікпен қам­та­масыз етудің жолдарын заңмен реттеу жайы сөз болды. Өйткені, бұл ХХІ ғасырдағы маңызды мәселеге айналып отыр. Өз кезегінде Германия Федеративтік Республикасы Бундес­та­гының депутаты, ХДС/ХСС фрак­циясының азық-түлік, ауыл ша­руашылығы және тұтыну­шы­лар құқығын қорғау жөніндегі жұмыс тобының төрағасы Петер Блезер мырза халықты азық-тү­лікпен қамту мәселесіне ерекше тоқталды. Ол алдағы уақытта Жер шарындағы халықтың саны 7 миллиардқа жететінін тілге тиек етіп, ауыл шаруашылығы өні­мінің өзектілігі арта түсетінін жеткізді. Сондықтан ауыл шаруа­шылығының рөлі күшейетіні сөзсіз. Осы орайда мейман ұлан-ғайыр даласы бар, пайдалы қазба байлығы мол Қазақстанның келешегі зор екенін айтты. Табиғат байлығын игеруде Германияның тәжірибесі екі елге де тиімді болатыны анық.