Бундестаг мүшесімен жүздесулер

Қазақстан Республикасы Парламенті Мәжілісінің Халық­ара­лық істер, қорғаныс және қауіпсіздік комитетінің төрағасы Әм­зе­бек Жолшыбеков пен Экономикалық реформа және өңірлік даму комитетінің төрағасы Сейітсұлтан Әйімбетов Германия Федеративтік Республикасы Бундестагының мүшесі, ХДС/ХСС фрак­ция­сының сыртқы саясат бойынша спикері Филипп Мисфельдермен кездесті. Мәжілістің комитет төр­аға­ла­ры мәртебелі мейманға  Астанада өткен ЕҚЫҰ Саммитіне қолдау көрсеткендері үшін ризашы­лы­ғын білдіріп, екі ел арасындағы экономикалық, саяси және пар­ла­ментаралық байланыстар жай­ын­да жылы пікір айтты. Сонымен қатар, Қазақстанның өз Тәуел­сіз­дігінің 20 жылында жеткен та­быс­тары мен жетістіктері, алдағы мақсаттары жайынан хабардар етті. Германия Бундестагының мүшесі әріптестеріне өздерінде жасалып жатқын реформалар мен парламенттегі жағдай, машина жасау, энергиямен қамтамасыз ету туралы әңгімеледі. Кездесулерге Мәжіліс депу­тат­тары Егор Каппель, Амангелді Момышев, Мейрам Пішембаев қатысты, деп хабарлады осы палатаның баспасөз қызметі.