«Скифиада» - ежелгі мәдениеттен жеткен үн

Алматы қаласында Қазақстан Республикасының Тәуелсіздігінің 20 жылдығы және Қазақстан Республикасы Ұлттық кітапханасының 80 жыл­дығына орай Ресей Жазушылар одағының мүшесі Аман­ғали Сұлтанның «Скифиада» атты екі томдық тарихи кітабының тұсаукесер рәсімі өтті. «Скифиада» тарихи дастаны Еуразия аймағында өмір сүрген сақ-скиф тайпаларының тұр­мыс-тіршілігін, салт-дәстүрі мен әйгілі билеушілері, батырлары хақында және сақтардың Мы­сыр, Қытай, Вавилон, Ассирия секілді ежелгі өркениеттермен қарым-қатынасы жайында, жал­пы көшпелі қауымға тән адами асыл қасиеттер мен құндылық­тар туралы толғайды. Бұған дейін «Айдын шал­қар», «Жазғытұрым жаршысы», «Кең дала», «Құтты мекен», «Талтүс», «Уақыт уағызы» атты жыр жинақтары жарық көрген ақын Аманғали Сұлтан сақ-скифтер туралы тарихи даста­нын жиырма бес жыл бойына тал­май, тарихи ізденістерге сү­йе­не отырып жазып шыққан. Тұсаукесерге тіл білімінің маманы, филология ғылымдары­ның докторы, профессор Шора Сарыбаев, белгілі жазушы, қо­ғам қайраткері Смағұл Елубай, «Мұхтар Әуезов қоры» қоғам­дық қорының президенті Мұрат Әуезов және ғылым мен қоғамға үлес қосқан басқа да қайрат­керлер, кітапхана оқырмандары мен қызметкерлері қатысты. Көне грек пен парсы та­рихшыларының жазбаларын­да асқақ рух иелері ретінде суреттелетін сақ-скифтер туралы дас­тан қазақы оқырман қауым­ға Гомердің «Илиадасынан» кем әсер етпейтіндігін айта кету керек. Шығарма тартымды да қа­ра­пайым мәнерде, тарихи дәл­діктен еш ауытқымай жа­зылған. Қанат ЕСКЕНДІР, Алматы.