07 Қазан, 2011

Озық технологиялар жолымен

222 рет көрсетілді
«Қазпошта» АҚ төрағасының орынбасары Мұрат ЖАРЫЛҚАҒАНОВПЕН әңгіме – Халықаралық сәлемдемені са­палы, жылдам әрі сенімді түрде жеткізу – «Қазпошта» акционерлк қоғамы имид­­жінің негізгі кепілі. Оның үстіне Қазақ­стан таяуда Дүниежүзілік пошта одағы (WPU) жарғысына қатысты Же­тінші хаттамаға қол қойды. Бұл ком­панияға халықаралық пошта жө­нелтілімі қозғалы­сы шеңберінде қандай міндеттеме жүктейді? – WPU – БҰҰ-ның бір мекемесінің мәртебесі бар үкіметаралық ұйым. Қазір оның құрамында 190 ел бар. Солар барлық пошта әкімшіліктерінің біртұтас пошта аумағын құрайды. Ол шын мә­нінде тек компанияларды ғана емес, белгілі аймақтық бағыттар бойынша тұтас экономикаларды байланыстырып, өзара тоғыстыратын ұйымдардың бірі. Мұндай бірлестіктер әлемде көп емес. Оның негізгі мұраты – пошта әкімшіліктерінің халықаралық пошта жөнелтілімінің бір­ыңғай қағидасын дайындау мақсатында өзара ықпалдастыққа қол жеткізу. Ереже, көптеген елдердің заңнамасы талап ететіндей, ең алдымен, әрбір азаматтың хат-хабар және өзге де маңызды жөнел­тілімдерді алуын қамтамасыз етеді. Қазақстан 1992 жылдан бері осы ұйымның толыққанды мүшесі. Биылғы тамыз айынан бастап, біз Байланыс және ақпарат министрлігі арқылы Қазақстан Республикасының ұлттық пошта опера­то­рымыз. Яғни, WPU жарғысы сияқты халықаралық барлық ережелер мен нор­маларға қол қоямыз. Мұндай құжаттар пошта әкімшіліктерінің өзара ықпал­дасуы түрлі елдердегі пошта қызметін дамы­тудың өзегі болып табылады. Өйт­кені, бұлар талап пен стандарт­тардың белгілі бір базалық деңгейін қалыптас­тырады. Бұл қазір біз үшін аса маңызды. Себебі, ақпараттық технология қарыш­тап дамып келеді. Сондықтан дәстүрлі пошта өз мәнін аз-аздап жоғалтуда. Ақпаратты жеткізу технологиясы шап­шаң өзгеруде. Содан ендігі жерде пош­таның беталысы қалай болмақ деген сауал туындайды. Бұған бірлесе жауап іздеу WPU дең­гейінде де, «Достастық елдері аймақтық байланысы» (ДЕАБ) пошта оператор­лары қауымдастығы сияқты аймақтық пошта операторлары ұйым­дары шеңбе­рінде де жүргізілуде. Дәстүр­лі пошта сервисі, сөз жоқ, қалады. Әйтсе де жаңа пошта өнімдері қандай бола­тынын тү­сіну керек. Нақ осы мәселе­лерді біз WPU және басқа да ғаламдық бірлестіктер ауқымында белсенді түрде талқылаймыз. Сөйтіп, пошта бай­ла­нысын дамытудың ортақ стратегиясын дайын­дап жатырмыз. – Kazpost жүйесі Еуропадағы Post Europe ұлттық пошта операторлары қауымдастығының толыққанды мүше­сі атанды. Бұл еліміздегі ұлттық пошта байланысы операторы кәрі құр­лық­тағы өз әріптестерінің қызметіндегі бір­ыңғай талаптарға сай болуы тиіс дегенді білдіре ме? – Рас, Қазақстан Post Europe қауым­дастығының мүшесі. Айта кету керек, пошта жөнелтілі­мінің әлемдік қозға­лы­сында Post Europe-ның айналымы айтарлықтай жоға­ры – 40 пайызға жетіп қала­ды. Біз аталған ұйымның құра­мында жұмысқа жақында кірістік. Post Europe аймақтық кеңесі Киевте өтті. Енді Данияда пошта департаменттері өкіл­де­рінің кездесуі өтпекші. Осы басқосулардың бәрінде де бірыңғай технология мен ортақ іс-қимыл стратегиясын дайындау қолға алынуда. Өйт­кені, шапшаң өзгеріп жат­қан мына заманда инновация кейде мемлекеттік қызмет көрсету саласын дамытудың қалыптасқан ырғағынан озып кетеді. Post Europe да, WPU да пошта әкімшіліктерінің ынтымақтастығын, түрлі елдердегі пошта қызметінің бірыңғай халықаралық талап­тарға беталуын ынта­ланд­ыруды көздейді. Сондықтан Post Europe шеңберінде біз қандай да бір ортақ мәселені талқылап қана қоймай, техноло­гиялық көмек секілді нақты қолдауға да үміт арта аламыз. Дәл қазір бізге кейбір бағыттар мен қызмет технологияларын дамытуда бір-біріне қолдау көрсетуге мүмкіндік беретін осын­дай халықаралық салалық ұйымдардың болуы аса пайдалы. Қазан айында сол Post Europe маман­дарының келуін күтіп отыр­мыз. Олармен біздегі стандарттар мен нормалардың сәйкес келуі секілді мәселе­лерді талқы­лаймыз. Атап айтқанда, жеткі­зу­дің шекті мерзімі сөз болады. Post Europeға жеткізу мерзімі бізге қарағанда қысқа. Біз модернизация мен автомат­тандыру деңгейіне қарап, осы талапқа толықтай сай болсақ дейміз. – «Қазпошта» АҚ жөнелтілімді жеткізудің сапасы бойынша қазір қан­дай талаптарға жүгінеді? Оның еуро­палық үлгіден нендей өзгешелігі бар? – Біздің серіктестер мен клиенттер үшін басты критерий – хат, сәлемдеме, ақша аударымының иесіне жетуі. Клиент өзі жіберген дүниенің мекен-жайы мен қозғалысы туралы мағлұмат­ты кез келген уақытта білуі тиіс. «Қазпоштада» жөнел­тілімнің қозғалысын қадаға­лайтын элек­трондық жүйе енгізілуде. Кемшілік бар, оны жасыр­маймыз. Қадаға­лау жүйесі «Қазпоштаның» автомат­тан­дыру енгізілген бө­лімшеле­рінде ғана бар. Жа­ңарту қарқынына байланыс­ты мұн­дай қадағалау жақын келешекте қалалар мен шет аймақ­тардағы бөлімше­лерді де қамтиды. Хат тасымалдау жұмыс­тарының жеткізу мерзімі жыл сайын облыс және аудан орталықтары мен ірі қалалар аралығы бойынша сақталып отырады. Жеткізу мерзімі – компанияның негізгі міндеті әрі көрсеткіші болып табылады. Атап өтетін бір жәйт, заманауи басқару жүйелерінің дамуы мен қадағалауға байланысты, адам­ның субъективті жұмыс жасауы едәуір жеңілдеп, жеткізу сапасы артып келеді. Біз халықаралық поштаны өте көп қабыл­даймыз, және өкінішке қарай, ол пош­таның жөнелтілуі көп уақыт алады, тіпті кейде жіберу мүмкін болмай қалатын жағдайлар болады. Бірақ біздің болжамы­мызша, жаңа технологияларды ендіріп, барлық үдеріс­терді автоматтандыру арқы­лы мұндай мәселелер бара-бара жойылады. – Көлік-логистикалық қызмет рыно­гындағы «Қазпошта» АҚ-тың алға жылжу стратегиясының құрылуы, яғни компаниядағы модернизациялау қыз­меті, жаңа технологиялар мен басқару жүйелерін енгізу жұмыстары қалай жүріп жатыр? – «Қазпошта» АҚ көлік-логис­ти­калық қызмет жұмысын жүргізу бары­сында, клиенттеріміздің жүгі қысқа мерзім ішінде нақты жетіп, қызметтің кәсiп­орындардың көпшiлiгіне тиімді болуын қадағалайды. Бұл жағдай жеткізілу шы­ғы­нының азайып, заманауи техноло­гия­ларды қолдану көлемін көбейтуге жол ашады. «Батыс Еуропа – Батыс Қытай» автодәлізі құры­лысы аяқталған күннен бастап, көліктік қызмет спектрін осы бағыт бойынша кеңейтуге дайындалып жатырмыз. Сондай-ақ біз қыс мезгілінде көптеген алыс ауылдық аймақтарға жүк тасымал­дау жұмысы қиынға соғатын­дығын, ал жергілікті кәсіп сенімді көлік қызметіне зәру екендігін ескеріп отыр­мыз. Жүк тасымалы қозғалысының көле­мінің көп­ті­гіне байланысты, сапасыз жолдардың көбейіп, транзиттік тасымал­дың жүруіне көп кедергі болатыны анық. Біз бүгінде өзіміздің жеке темір жол (компания еншісінде 60 вагон бар), сондай-ақ жергілікті пошталық автопарктер мен арнайы техникамызды жұмыл­дыру арқылы бұл мәселені шешу үстіндеміз. Логистикалық қызметті арт­ты­руға бағытталған жоспа­рымызда, ва­гон­дардың көмегі арқылы жүк жеткізілімін арттыруға қатысты жобада бар, бірақ негізгі күш ауыр жүк тасымал­дайтын автокөлiктерге түспек. Логистикада «Қазпошта» АҚ-тың бәсе­келестiк артықшылықта болуы аса маңызды. «Қазпошта» АҚ-тың «бір қор­жыны» ішінде тасымалдап, жинау және қорларды басқару сынды бірнеше қа­жетті қызмет түрлері бар. Біз инфра­құры­лымның кең желісін қолданамыз. Атап айтқанда, барлық облыс орталық­тарында, сондай-ақ негізгі стансалар­дағы бекеттерде пошталық жүк тасыма­лын қабылдап, өңдеу жұмыстарын жа­сай­тын пошталық кешен қызмет көр­сетеді. Бүгінгі таңдағы біздің негізгі мақсатымыз – көлік-логистикалық жүйе­ні барынша тиімді ету. Бұл үшін заманауи басқару жүйесін енгізіп, қызмет­керлердің білімін кеңейту қажет. Атап өтетін бір жәйт, көлік-логистикалық қызмет компания кәсібінің тек бір тармағы ғана емес, бүтіндей алғанда, тиімді логистика поштаның негізгі жұ­мысы. «Қазпошта» жүйесінде мыңдаған километрлерге дейін созылатын тасымал бағыттары бар. Өте көлемді жүк тасымалын жеткізу оңай шаруа емес, жұмыстың дұрыс атқарылуы да осыған байланысты. Біздің негізгі міндетіміз клиенттердің сенімінен шығып, тасымал­ды барынша тез жеткізуді жүзеге асырып, табысты арттыру. Әңгімелескен Венера ТҮГЕЛБАЙ.
Соңғы жаңалықтар

Сегізсай жауһарлары

Тарих • Бүгін, 09:58

Көз тартар көркем әлем

Өнер • Бүгін, 09:57

Жеке деректер желіге тарап кетті

Технология • Бүгін, 09:54

Жанашырлық жасау жолдары қарастырылды

Тәуелсіздіктің 30 жылдығы • Бүгін, 09:53

Орманды ойсыратып алмайық

Экология • Бүгін, 09:51

Жасыл белдеу жайқала түседі

Экология • Бүгін, 09:48

Ерінбегеннің табысы еселенеді

Аймақтар • Бүгін, 09:38

Бауырым бауырымнан қымбат емес

Коронавирус • Бүгін, 09:36

Індеттен сақтанудың ұтымды жолы

Коронавирус • Бүгін, 09:34

Жансақтау бөлімінде орын жоқ

Коронавирус • Бүгін, 09:28

Досын құтқарған жас өрен

Қоғам • Бүгін, 09:26

Коронавирус: 2625 адам жазылып шықты

Коронавирус • Бүгін, 09:18

Жаңғыртуларға негіз қалайды

Саясат • Бүгін, 09:16

Белсенділік жоғары болды

Саясат • Бүгін, 09:14

Бәсекелестік бәсі басым

Саясат • Бүгін, 09:10

Тағы 6797 адам коронавирус жұқтырды

Коронавирус • Бүгін, 09:02

Ауыл тіршілігі жанданады

Саясат • Бүгін, 08:35

Ауқымды жобаның бастауы

Саясат • Бүгін, 08:28

Алтын сатып алу азаймайды

Қазақстан • Кеше

Батыр Баян

Руханият • Кеше

Kazsat-тан неге бас тарттық?

Технология • Кеше

Адам құны

Әдебиет • Кеше

Редакторсыз кітаптар

Әдебиет • Кеше

Ұқсас жаңалықтар