Бәсекеге қабілеттілік факторы

Қазақстан Республикасының Президенті Нұрсұлтан Назарбаев «Болашаққа бағдар: рухани жаңғыру» атты мақаласында мемлекеттің темірқазығы «Рухани жаңғыру» идеясын ұсынып, XXI ғасырдағы қазақ ұлтының феноменін анықтап берді.   

 
Егемен Қазақстан
01.02.2018 8207

Жаңа ұрпақты қалыптастыруға бағытталған «Рухани жаңғыру» идеясы, «Қазақстан-2050», «Нұрлы жол» және «100 нақты қадам» Ұлт жоспары стратегиялық бағдарламалары Біріккен Ұлттар ұйымының 2030 жылға дейін тұрақты дамуының 17 мақсатымен толықтай сәйкес келеді. 17 мақсат (169 міндет) бір-бірімен байланысты, соның бірі – сапалы білім беру. Өйткені сапалы білім – ғы­лымның іргетасы, мемлекет дамуы­ның кепілі.

Халықаралық кітапханалар қауым­дас­тықтары мен мекемелерінің федерациясы (ИФЛА) қоғамда жаңа технологиялар арқылы ақпарат пен білімге қол жеткізудің артуы халықтың тұрақты дамуына және тұрмысын жақсартуына тікелей әсер етеді дейді. Яғни қазіргі ақпарат ғасырында кітапхана саласы адам мен ақпараттың, ақпарат пен технологияның арасындағы дәнекер рөлін атқарады.

Елбасы Нұрсұлтан Назарбаев: «Мен қазақстандықтарға, әсіресе жас­тарға тағы да айтамын: Кітап оқы­­ңыздар! Бүгінде ұлттың бәсекеге қа­­бі­л­еттілігі оның білім деңгейіне байла­нысты. Кітап адамды жан-жақты да­мытады, ой-өрісін кеңейтеді», деп кі­тап оқудың маңыздылығына мән берген болатын.

Қазақстандағы – 131, оның ішінде 10 ұлттық жоғары оқу орнының алдыңғы санатынан саналатын Қазақ ұлттық өнер университеті 2017 жыл­ғы рейтинг бойынша өнер оқу орда­­лары арасында үздік болып таныл­ды. Бүгінде Қазақ ұлттық өнер университетінің басты міндеті – кең-байтақ еліміздің руханиятына жоға­ры кәсіби деңгейде қызмет ете ала­тын бәсекеге қабілетті кадрлар тәр­биелеу, елорданың музыкалық ин­фра­құрылымын қалыптастыру, Қазақстанның рухани өмірінің сер­пінді дамуына мүмкіндіктер ашу. Уни­верситет ректоры, профессор, Халық әртісі, Қазақстанның Еңбек Ері Айман Мұсақожаеваның сөзі­мен айтқанда, «...мақсатымыз – музы­калық сауаттылығы мол, сезім талғамы жоғары, музыкалық жанрларды талдай алатын жас буын­ның қатарын көбейту, мәде­ни­етті қазақ жастарының ортасын қа­лып­­тастыру».

Жоғары оқу орнында кәсіби мамандарды дайындау бірыңғай үздіксіз, әрі кешенді білім беру жүйесіне біріктірілген, атап айтсақ: мектеп-колледж-бакалавриат-магистратура-

докторантура. Университеттің құрылымына тоқталсақ, «Музыка», «Театр, кино және ТД», «Көркем өнер», «Дәстүрлі музыкалық өнер» факультеттерінде өнерге қатысты мамандықтар бойынша 18 кафедрада өз саласының майталмандары жастарға тәлім беріп, шеберлігін шыңдайды. Сонымен қатар, ҚазҰӨУ жанынан құрылған Қорқыт ата атындағы ғылыми-зерттеу институты өз кезегінде білім мен ғылымды байланыстыра отырып, білім сапасын арттыруға ықпал етеді, қазақ халқының дәстүрлі өнерін жан-жақты зерделеумен, насихаттаумен айналысады.

Ғалымдар мен ұстаздар ғылыми еңбектері мен зерттеулерін, оқуға қажетті басқа да кітаптарын университет кітапханасына сыйға тартады. Мысалы, 2016-2017 оқу жылында 368 оқу, оқу-әдістемелік құ­рал­дары, мамандықтар бойынша бағ­­дар­ламалар әзірленіп, басылып шық­ты. Оқытушылардан 2016 жылы – 251, биыл 358 кітап қабылданды.

Университет кітапханасы жыл сайын оқу процесіне көмек көр­сете оты­рып, кітапты насихаттау бағы­тын­да тақырыптық көрмелер ұйым­дастырып, оқырмандарын мың­даған баспа өнімдерімен таныс­ты­ра­ды, тақырыптық ұсыныстық көр­сеткіштер әзірлеп отырады. Атап айтар болсақ, былтыр 58 тақырыптық және арнайы кітап көрмесі өткізіліп, оған 17200 оқырман қатысса, биыл 70-ке тарта кітап көрмесін 28 100 адам тамашалады.

Жастардың кітап оқу мәдениетін қалыптастыру мақсатында факультет кафедра күндері өткізіледі. Биыл 22-27 ақпанда өткізілген факультет күндерінде оқу бағдарламасына кө­мек көрсету үшін 1500-ден аса кітап­ха­на қорындағы құжаттар, жаңа түс­кен басылымдар студенттер мен оқы­тушыларға таныстырылды және «Бо­ла­шаққа жол тартқан Қазақстан», «Болашақтың қуаты – Future Energy – Энергия будущего», «Театр әлемі және Ма­ман Байсеркенов», «Театр саңлағы – Хадиша Бөкеева», «Қылқалам ше­бер­лері» кітап көрмелері және ше­бер­лік-сабақтары өткізілді.

...Әрбір жаңа ұрпақ өзінің өмір жолында өзіне дейінгілердің еңбегінің нәтижесін көріп өседі. Бүгінде мұнда жекелеген өнер қайраткерлерінің мектебі қалыптасты, мәдени-ғылыми дәс­түрлер дамыды. Осы мұраны сақ­тау, келесі ұрпаққа жеткізу Ақпа­рат­тық-кітапхана қызметінің мін­деті болып табылады. Соған орай «Қа­зақ­стан. Өнер.Тұлға» сериясы бойынша ұлттық элита өкілдерінің өмірі мен қызметіне арналған жоба әзірлене бас-

тады. Бұл ұрпаққа өнер саласындағы тұлғалардың жетістіктері мен олардың өнегелі жолын, өнердің дамуына қосқан үлесін дәріптейді.

Кезінде саңлақ сыншы, марқұм Әшірбек Сығай бастамашы болған «Ес-Аймақ» мәдени-танымдық бірлестігімен бір­лесе отырып ақын-жазушылармен, шығармашыл тұлғалармен кездесу­лер ұйымдастыру, авторлар шы­ғар­машылығына қатысты құ­жат­тық кітап көр­мелерін әзірлеу дәс­түрге айналған. Мысалы, мұндай тұлғалардан жазушы Әкім Тарази, режиссер Сламбек Тәуекел, ғалым Тұрсын Жұртбай, қайраткер қаламгер Сұлтан Оразалин, композитор Кеңес Дүйсекеев, жыршы Алмас Алматов, сахна саңлақтары Гүлжан Әспетова, Тілектес Мейрамов, Ақыш Омар және т.б. айрықша атап өтер едік.

Тағы бір айта кететін жайт, кітап­­хана «Бір ел – бір кітап» рес­пуб­ликалық акциясы аясында жыл сайын түрлі іс-шара өткізеді, биыл «Жыл кітабы – 2017» таңдауы ақын Сұл­тан­махмұт Торайғыровтың шығар­ма­ларына арналды.

«Мен – қазақ, қазақпын

деп мақтанамын,

Ұранға алаш деген атты аламын.

Сүйгенім қазақ өмірі, өзім қазақ,

Мен неге қазақтықтан сақта­на­мын?» – деп жырлаған Сұлтан­мах­мұт идеялары біз үшін өте-мөте құнды һәм қымбат. Сұлтанмахмұттың ақындық кредосы, азаматтық байламы қазіргі қазақ жастары үшін білімнің идеалы болып саналады.

Барлық ұлы адамдар Абай, Шоқан, Шиллер, Гете, Толстой... кітапты көп оқығанын естен шығармағанымыз абзал. Бұл ретте жыл сайын көркем әдебиетті ең көп оқыған чемпиондар да анықталып отырады. Оқытушылар арасындағы ең үздік оқырмандар Ұстаздар күні үздік студент-оқыр­ман­дар факультет күндері аясында ма­рапатталады. Ал студенттердің кітап оқуға сүйіспеншілігін ояту мақ­сатында өткізілген «Мен және кітап» фотобәйгесі жастардың кәсіби шеберлігін шыңдауға, шығармашылық ізденісін дамытуға жол ашқан жоба болды. Фотобәйгеде жүлде алған үздік фотосуреттер кітап туралы ұлы адамдардың асыл ойларымен толықтырылып, безендірілді.

«Дарын» мемлекеттік жастар сый­лығын 2016 жылы иеленген Саджана Мырзалиева, Манарбек Қыдырбай, Әсел Кемелбаева, Рахат-би Абдысағин, Азат Мәлік кітап­хана­ның тұрақты оқырмандары десек, жақында Рахат-би өзінің музыкалық шығармаларын Мәскеудегі «Музы­ка» баспасынан шығарып, кітап­ха­на­ға тарту етті. Қытайда өткен «I am singer» халықаралық ән додасы­ның жеңімпазы болған Димаш Құдай­бер­ген кітапханада қытайлық достарымен өзі жақсы көретін залдарды аралап, өзі туралы арнайы жасалған көрмелерді тамашалады. Бұл да университет кітапханасы тарихының жарқын беттерінің бірі.

Ғаламшардың ғаламат желісі ин­тернетке ену бүгінде студенттердің өмі­ріндегі негізгі құралға айналды. Университетте кітаптың электронды нұсқасын пайдаланушылар үшін «Профессор-оқытушылар еңбектерінің Виртуалды кітап­ханасы» бар. Кітапхана сайты жұмыс істей­ді. Осылайша тұты­ну­шы­лар­дың бар­лығымен байланыс орна­тып, оқыр­ман­дардың сұранысын қа­нағат­тан­дыру үшін қызмет ету үстіндеміз.

Бұдан басқа, КАБИС жүйесі арқылы 100 000-нан аса медиафайл­дар­ға – музыкалық шығармалар, филь­м-

дер, электрондық оқулықтарға қол- же­тімді, бұл база күн сайын толық­ты­рылып отырады.

Адамзатты рухани құлдыраудан құтқарудың жалғыз жолы – оқу десек, университеттің Ақпараттық-кітапхана қызметі «Казконтент» АҚ «Әдебиет порталымен» бірлесіп, жоғары оқу орнының сту­де­нттері мен арнайы орта оқу орын­да­рының оқушылары арасында Қазақ ұлттық өнер университетінің  20 жылдығына орай «20 жылдыққа – 20+2 кітап» жобасы аясында «Оқы. Шабыттан. Жаса» атты республикалық Байқауын жариялады. Мұнда «20 жылдыққа – 20+2 кітап» жобасы аясында көрсетілген кітаптар оқылып, ұнаған шығарма желісінде киносценарий, драмалық шығарма, поэзия, қысқаша мазмұн, эссе, музыкалық шығарма немесе сурет, мүсін, қысқа метражды кино (ролик, трейлер), фото, жарнама түрінде шығармашылық материалдарын дайындап, өздерінің кітапқа көзқарасын білдіреді. Жоба оқуға қызығушылықты арттыру және қолдау, қазақ және әлем әдебиетін насихаттау, кітапты талғап оқу, оны түйсіну, алған әсерді жеткізе білу, оқырманды таңдаулы туындылармен таныстыру, жастардың шығармашылығына қозғау салу мақсатында ұйымдастырылған инновациялық бастау болып табылады.

Ғазиза ИСАХАН,

Қазақ ұлттық өнер университеті

Ақпараттық-кітапхана қызметінің басшысы

СОҢҒЫ ЖАҢАЛЫҚТАР

25.02.2018

Астанада ашылатын төртінші ауданға Байқоңыр атауын беру мақұлданды

25.02.2018

Павлодар облысында жергілікті ЖОО үшін 200  грант  бөлінді

25.02.2018

Алакөл жағасын абаттандыру жұмыстары биыл да жалғасады

25.02.2018

Берлин-2018 кинофестивалінің жеңімпаздары анықталды

25.02.2018

Олимпиада-2018: Ресей құрамасы тұңғыш рет хоккейден алтын алды

25.02.2018

Мәлік Мырзалин: Ақмола облысына 257 миллиард теңге инвестиция тартылып, 12 мың жаңа жұмыс орны құрылды

25.02.2018

2018 жыл Ақтөбе облысында «Бала жылы» деп жарияланды

25.02.2018

Оралда құсбегілердің республикалық «Қансонар-2018» турнирі өтіп жатыр (ФОТО)

24.02.2018

Премьер-Министрдің Бірінші орынбасары Асқар Мамин Түрікменстан Президентімен кездесті

24.02.2018

Заң бұзған мыңға жуық шетелдік елден шығарылды

24.02.2018

Олимпиада - 2018: Шаңғышы Денис Волотка жарыс жолынан шығып қалды

24.02.2018

Былтыр Маңғыстау облысының жергілікті атқарушы органдары халыққа 1 253 841 қызмет көрсеткен

24.02.2018

Францияның Ұлттық Ассамблеясында қазақстан-француз стратегиялық серіктестігінің болашағы талқыланды

24.02.2018

Минскіде Қазақстан мен Беларусь СІМ арасындағы саяси консультациялар өтті

23.02.2018

Сенатор Д.Назарбаева Сингапурда болды

23.02.2018

ШҚО әкімі тұрғындар алдында есеп берді

23.02.2018

Қазақстандық парламентшілер ЕҚЫҰ ПА қысқы сессиясына қатысты

23.02.2018

Энергетика министрлігінің кеңейтілген алқа мәжілісі өтті 

23.02.2018

Оралхан Бөкейдің ағылшын тілінде жарық көрген кітабының тұсаукесері өтті

23.02.2018

СҚО-да Қазақстан Республикасы Тұңғыш Президенті - Елбасы Қорының күндері өтуде

ТАҒЫ ЖҮКТЕУ
КОЛУМНИСТЕР

Ғабит ІСКЕНДЕРҰЛЫ, «Егемен Қазақстан»

Мәселе заманда емес, адамда...

  Адамның азаматтығы, жауап­кер­шілігі туралы қай кезде де кеңі­нен сөз болады емес пе? Сондай әңгіме барысында кейбіреулер әңгі­ме арқауына айналған жандарға ая­ныш білдіріп, «олар сатқындық жа­с­айын деді дейсің бе, амалдың жоқтығынан жасады ғой, бәріне заман кінәлі» дегені бар-тын. Сонда Ұшыға апам былай деген еді: «Күн де орнында, сол баяғыша шығады, сол қалпында батады. Ай да орнында сол бұрынғыша туады. Өзгерсе адамның пейілі, ниеті өзгерген. Заманға жауапкершілік жүктеудің жөні жоқ...».

Анар ТӨЛЕУХАНҚЫЗЫ, «Егемен Қазақстан»

Эфирде бейбастақтыққа неге жол беріледі? 

Әуе толқынынан хабар тыңдап отырмын. Әңгіме бойтұмар жайында өрбуде. Радио хабарын жүргізуші әлемге танымал адамдардың бой­тұмар ретінде нені ұстайтынын айта келе Кэмерон Диазды мысалға алды.

Александр ТАСБОЛАТОВ, «Егемен Қазақстан»

Даму үшін әділдік ауадай қажет

Әділдік қашанда адамзаттың арманы болып келеді. Жасыратыны жоқ, кейде бір ұжым түгілі, бір отбасының өзінде әділдік кемшін қалып жатады. Осындай жағдайда оның тұтас мемлекетте орнауы орындалмас армандай көрінетіні рас.

Зарема ШӘУКЕНОВА, ҰҒА корреспондент-мүшесі

Конфессияаралық диалогтың қазақстандық алаңы

Атақты америкалық саясаттанушы Самуэль Хантингтон 1996 жылы өзінің әлемдік ғылыми қоғамдас­тық арасында кең талқылауға түс­кен «Өркениеттер қақтығысы және әлемдік тәртіптің трансформациясы» атты кітабын жарыққа шығарды. 

Сұңғат ӘЛІПБАЙ, «Егемен Қазақстан»

Қайтқан малда қайыр бар

Осының алдында газет бетінде жарияланған «Бай бол­­саң, халқыңмен бол!» атты мақа­ламызда («Егемен Қазақстан», 09.02. 2018 жыл) меншік иелері­нің елімізден астыртын жолдар арқылы шығарып әкетіп жатқан капиталының түбі оларға қайыр бермейтіндігін, қазіргі күні Батыс әлемінде жүріп жатқан саяси-эко­номикалық үдерістердің екпі­німен бұл қаржылар сол жақ­тың өзінде ерте ме, кеш пе, қақпан­ға түсірілетіндігін, ал оның идеологиясы қазірдің өзінде әзір екендігін жазған едік. 

Тағы да оқу

Пікірлер(0)

Пікір қосу