Мен 1980 жылғы 10 тамызда Солтүстік Қазақстан облысының Петропавл қаласында дүниеге келдім. Халыққа қызмет көрсету, құқықтық тәртіпті сақтау қасиеттері маған әкемнен дарыды. Әкем Александр Петрович Климов 30 жылдан аса ішкі істер органдарында учаскелік полиция инспекторы қызметін атқарды. Полиция подполковнигі шенінде зейнетке шықты. Әкемнің ісін жалғастыру мақсатында інім екеуіміз ішкі істер органдарында қызмет етіп жүрміз. Ата-анамнан алған тәлім-тәрбие өмірлік ұстанымым болды.
1997 жылы мектепті аяқтағаннан кейін Қазақстан ІІМ-нің Семей заң колледжіне «Құқық қорғау қызметі» мамандығы бойынша оқуға түсіп, үздік аяқтап шықтым. 1999 жылы оқуды бітіргеннен кейін еңбек жолымды СҚО Ішкі істер департаментінің Криминалдық полиция басқармасында жедел уәкіл лауазымынан бастадым. Бүгінгі таңда басқарма бастығы лауазымында қызмет атқарамын.
Кей кездері қылмысты бірден ашу мүмкін емес. Тапжылмай еңбек етсең ғана нәтижеге қол жеткізесің. Қылмысты ашқан кезде борыштың өтелгенін сезіну және әділдік орнауы саған одан әрі қызмет етуге серпіліс береді, ісіңнің нәтижесі көңіліңнен шығып, рахат сезімінде боласың.
Із кесушінің міндеті – уақытпен санаспай беріле еңбек ету. Кей кездері оның нәтижесі көзге көрінбейді, бірақ бұл ең бастысы емес. Біз адамдарға заңның үстемдік етуіне және әділдікке сенулеріне көмектесеміз. Бұл еңбегіміздің басты бағасы! Осындай дәрежеге жеткізген Қазақ еліме, Ішкі істер министрлігіне, Ішкі істер департаментіне, тәлімгерлеріме, ұжымыма, қызмет етуге жан-жақты жағдай жасап жатқан Елбасына алғысым шексіз! Қазақстанның ішкі істер органдары жүйесінде қызмет етуді – тағдырдың сыйы деп білемін.
Петр Климов,
полиция полковнигі, ІІД Криминалдық полиция басқармасының бастығы
Солтүстік Қазақстан облысы
