Бүгінінен ертеңі нұрлы

Кереку елінде ұлттық теат­ры­мыздың қалыптасуының тарихы тереңде. Облыста тұңғыш қазақ театры 1938 жылы Бесқарағай колхоз-совхоз театры негізінде құрылған екен. Сол жылдары бұл театр М.Әуезовтің «Айман-Шолпан», «Еңлік-Кебек», Ғ.Мү­сіреповтің «Қыз-Жібек», «Қозы Көрпеш – Баян сұлу» пьесала­рын сахнаға шығарыпты. Өкінішке орай кейіннен, яғни 1948 жылы жабылып қалған өнер шаңырағы тек 1990 жылы ғана қайтадан есігін ашты. Содан бері осынау өнер ұжымы өз сахнасында қаншама жауһар­лар­ды шығарды десеңізші. Солар­дың қайсыбіріне тоқтала кетсек, М.Әуезовтің «Айман-Шолпан», «Қарагөз», «Еңлік-Кебек», Ғ. Мү­­сіреповтің «Қозы Көрпеш – Баян сұлу», «Ұлпан-Есеней», У.Шек­с­пирдің «Король Лир», А.Чехов­тың «Шағала», Еврипид­тің «Ме­­дея», И.Кальманның «Силь­ва», «Мистер Икс», И.Штраустың «Жарқанат», Ф.Эр­вен­нің «Түлкі Бикеш», М.Бай­серкеұлының «Абы­лай хан», «Кене хан», Ә.Тә­жі­баевтың «Майра». Сондай-ақ Д.Исабековтің «Әпке», «Мұра­гер­лер», «Ескі үйдегі екі кездесу», «Актриса», Т.Ахтановтың «Кү­шік күйеу», Ә.Таразидің «Жақсы кісі», С.Балғабаевтың «Бізде ға­шық болғанбыз», И.Байзақовтың «Ақбөпе», Ш. Айтматовтың «Ана – жер-Ана», Ж. Аймауы­тов­тың «Ақбілек», «Шернияз» және т.б.туындылары сахнаның көркі­не айналды. Театрдың негізгі көрермен­де­рі жастар, себебі, театр әкімшілі­гі­нің алдына қойған міндеті елі­міздің болашағы жастарды ұлт­тық өнерге, ата-бабаларымыздың сал-дәстүріне, тіліне кеңінен насихаттау болып отыр. Сөз орайында театр ұжымы­ның гастрольдік сапарымен Мәс­кеу, Ленинград, Омбы, Новосібір, Алматы, Астана, Қызылжар, Талдықорған қалаларында өз өнерін көрсеткенін айта кетсек дейміз. Сондай-ақ, халықаралық жастар шығармашылық «Ша­быт» фестиваліне екі рет (1995, 2008 ж.ж.) және Каир қаласында өткен VII халықаралық экспери­мен­тальдық театрлар фестиваліне, Кония қаласында (Түркия) Дүниежүзілік түркі тілдес ха­лық­тардың фестиваліне қатысып лауреат атанғаны да ұжымдағы ізденіс іздерін аңғартатыны сөз­сіз. Ал енді актерлар қауымына келетін болсақ, Роза Тәжібаева, Аман­келді Жүке, Сейітжан Тә­жібаев, Сансызбай Бекболатов, Талжібек Атамбек, Мұхтар Бай­жұманов, Ақық Таспаева, Ба­хар­гүл Құрбанова, Толқын Абдрахимова, Бейбіт Шәнім, Дос­кен Ұябай және жас буын өкіл­дері Бекболат Оқасов, Руслан Нығ­манов және т.б. көп құрме­тіне бөленіп жүрген өнер иелері. Бір айта кететін жәйт, театр труп­пасы жыл сайын Т.Жүр­ге­нов атындағы театр академия­сы­ның түлектерімен толықты­ры­лып тұ­рады. Театрдың өзіндік сим­фониялық оркестрі бар, дирижері Болат Рақымжанов, ән пәнінің мұғалімі Анна Алексеева, концертмейстерлер Ирина Во­ронина, Наталья Куминова балетмейстер Баян Исабековалар әр туындының жұрт жүрегіне же­туіне өз үлесін қосып жүрген аяулы жандар. Иә, театр халықтың, елдің тарихы мен болмысынан сыр шертер қазыналы орда десек, Жүсіпбек Аймауытов атындағы облыстық қазақ музыкалы драма театрының мақсаты – ұлттық өнерге деген мұқтаждықтың ор­нын толтыру. Бүгінде бұл өнер ұжымының өз бағыт-бағдары бар. Ең бастысы, ұжым ұдайы ізденіс үстінде. Сондықтан да осы­нау 20 жыл аралығында ол өзінің мүмкіндігін өз елімізде ғана емес, алыс шет елдерге де дәлелдей білді, халықаралық фес­тивальдарға, өнер сайыста­рын­да терезесі тең екенін көр­сетті. Ендеше, халыққа рухани байлық сыйлап, ұлттық салт-дәс­түрмен атадан қалған асыл сөздермен жастарға тәрбие беріп келе жатқан театрдың бүгінінен ертеңі нұрлы деп білеміз. Мұхтар МАНАП, Жүсіпбек Аймауытов атындағы қазақ музыкалық драма театрының директоры.