Медицина • 18 Мамыр, 2018

Тілсіз жау салғырттықты кешірмейді

166 реткөрсетілді

Ішкі істер министрлігі Төтенше жағдайлар комитетінде адамдар жаппай жиналатын объектілердегі өрт қауіпсіздігі саласын мемлекеттік бақылау бо­йынша тексерулер қорытындыларына, 2018 жылғы жазғы маусымға әзірлік мәселелеріне арналған брифинг өтті. Оған Ішкі істер министрінің орынбасары Ю.Ильин қатысты. 

Жиында белгілі болғандай, азаматтық қорғау органдары 2018 жылғы 2 сәуірден бастап адамдар жаппай жиналатын сауда объектілерінің өртке қарсы жүйесіне тексеруді жүзеге асырған. Тексерілген объектілерде 15 мыңнан астам бұзушылық анықталған. Барлық кінәлілер әкімшілік жауапкершілікке тартылып, нәтижесінде 18 млн теңгеден астам айыппұл өндіріл­ген. Объектілер басшыларына бұзушы­лық­тарды жою туралы ұйғарымдар берілген. 

Жалпы, бұзушылықтар эвакуациялау жолдарына, соның ішінде қосалқы есіктердің жабық болуына, есіктердің эвакуация жолы бойынша ашылмауына, эвакуация жолдарында және баспалдақтар астында сауда нүктелерінің орналасуына және т.б. мәселелерге қатысты болған. Сондай-ақ тексерулер барысында электр жабдықтарын дұрыс монтаждамау, электр сымдарының оқшаулау кедергісіне ревизия жүргізілмеуі, автоматтандырылған өрт дабылының және құлақтандыру жүйесінің жарамсыз күйде болуы, қызметкерлерге өрт қауіпсіздігі бойынша нұқсаулықтан немесе өрт-техникалық минимумнан өт­кіз­бес­тен жұмыс істеуге рұқсат беру, өрт­ке қарсы сумен қамтамасыз ету ісіне тек­серу жүргізілмеуі, алғашқы өрт сөн­діру құ­ралдары не жарамсыз, не жет­кі­лік­сіз болуы және басқа да фактілер тіркелген.

Тексерулер кезінде персоналмен, күзет құрылымымен және объектіге келу­шілермен міндетті түрде өрт қауіп­сіздігі талаптарын сақтау бойынша нұсқау­­лықтар және өрт жағдайындағы іс-қимыл­дар бойынша машықтанулар өткізілген. Бүгінде 41 мыңнан астам адам оқытылған. Бұдан өзге, ірі сауда объектілерінде өрт сөндіру қызметтері 494 өрт-тактикалық оқу-жаттығуын іске асырған.

Адамдар жаппай жиналатын объек­ті­лердің қауіпсіздігін сақтау мақсатында ІІМ тиісті Жол картасын әзірлеген және ол келісу рәсімінен өтуде. Жол картасын­да мемлекеттік бақылауды қатаңдату, қоғам­дық бақылауды күшейту, құрылыс норма­лары мен қағидалар жиынтықтарын, тір­ші­лік әрекеті негіздерін оқыту жүйесін қай­та қарау мәселелерін қарастыру көз­делген. 

Тағы бір айта кетер жайт, өңірлердің халқы мен аумағына үлкен қауіп төндіру­шы табиғи (орман және дала) өрттер бо­лып табылады. Келтірілген деректер бо­йын­ша, жыл сайын елімізде орта есеппен 4 мың табиғи өрт пен жану болады, жалын құшқан жалпы ауданы 300 мыңға дейін жетеді, өрттен келген нұқсан 120 млн теңгеден асады. Ал орман өртінің шама­мен 80%-ы адамның кінәсінен орын алады екен. 

Табиғи өрттердің алдын алу және ден қою бойынша шаралар қабылдау мақ­сатында ІІМ мүдделі орталық мем­лекеттік және жергілікті атқарушы органдармен бірлесе 2018 жылғы жазғы кезеңге арналған орман және дала өрттерінің алдын алу және жою бойынша жыл сайынғы іс-шаралар жоспарын әзірлеген. Бұдан бөлек, елдегі өрт қаупі жағдайына шұғыл ден қою тәртібін анық­тау мақсатында аймақ­аралық сипаттағы орман-дала өрт­терін жоятын үкіметтік жоспар түзілді. Орман-дала алаптарын күнделікті патрульдеу үшін өрт қаупі кезеңінің басынан бастап мемлекеттік тексеру, жергілікті полицей қызметі және орман шаруашылығы мекемелерінің қызметкерлері тарапынан мобильді топтар құрылған.

ТЖК аумақтық бөлімшелері орман-дала алаптарында өрттердің профилактикасы аясында 4,5 мыңнан аса адамды қамти отырып, 243 нұсқама, 75 жиын және 42 дөңгелек үстел, сондай-ақ 25 бірлескен оқу-жаттығу ұйымдастырған.

Жолдыбай БАЗАР,
«Егемен Қазақстан»

Баннер
Соңғы жаңалықтар

Ашық аспан астында - пианинолар

Аймақтар • Бүгін, 15:52

Медицина цифрландыруды таңдайды

Қазақстан • Бүгін, 10:16

Ашықтықтың артықшылығы көп

Аймақтар • Бүгін, 09:49

Құттықтаулар легі жалғасуда

Қазақстан • Бүгін, 09:46

Әлкей Марғұлан мұралары

Қазақстан • Бүгін, 09:42

Түлен түрткен түс

Аймақтар • Бүгін, 09:37

Сабыр түбі – сары алтын

Қоғам • Бүгін, 09:21

Құлманбетовтің қызыл алмалары

Аймақтар • Бүгін, 09:18

Қолқаны қапқан иістен құтыла ма?

Аймақтар • Бүгін, 09:16

Сырттан қаржы тарту қарқыны үдеді

Қазақстан • Бүгін, 09:14

Ұқсас жаңалықтар