Бүгін «Астана-Алматы» бағытында қатынайтын пойыз апатқа ұшырап, 8 вагон рельстен шығып кетті. Оқиға салдарынан бір жасөспірім қаза тапты.
«Бір жасөспірім қаза тауып, үш адамның жарақат алғандығы туралы ақпарат расталды», - деді ҚР ІІМ Төтенше жағдайлар комитетінің ресми өкілі Руслан Иманқұлов.
«Қазақстан темір жолы» ұлттық компаниясы «Астана-Алматы» бағытында қатынайтын пойыздың апатқа ұшырауына қатысты ресми мәлімдеме жасап, оқиғаның шығу себебін тексеретін арнайы комиссия құрылғанын xабарлады.
