Футбол • 26 Қазан, 2018

Ұлттық құрама ФИФА рейтингінде бір саты жоғарылады

76 реткөрсетілді

Халықаралық футбол қауымдас­тықтары федерациясы (ФИФА) қа­зан айындағы ұлттық құрама­лардың рейтингін жаңартты. Жариялаған рейтингіне сәйкес Қазақстан ұлт­тық құрамасы өткен аймен салыс­тырғанда бір сатыға көтерілді.     

Қазан айының қорытындысы бойын­ша Қазақстан құрамасы 117 орынға жайғасты. Ұлттық құрама қазан айында УЕФА Ұлттар лигасы аясында екі матч өткізді. Сырт алаңда Латвия құрамасымен 1:1 есебімен тең түссе, елордада өткен кездесуде Ан­дорра футболшыларын 4:0 есебімен жең­ген-ді. 

Станимир Стоилов командасы келесі ойынын 15 қараша күні «Астана Арена» стадионында Латвиямен өткізеді. Кездесу Астана уақытымен 21:00-де басталады. 19 қараша күні біздің футболшылар сырт алаңда Грузиямен ойнайды.

Дайындаған Әли БИТӨРЕ, 

«Егемен Қазақстан»

Баннер
Соңғы жаңалықтар

Ұқсас жаңалықтар