СӨЗСОЙЫЛ: “Жегісі” келетіндерге арналған мақал-мәтелдер
Дүйсенбі, 21 мамыр 2012 0:01
Жәй жүргеннен “жей” жүрген жақсы.
Дүйсенбі, 21 мамыр 2012 0:01
Жәй жүргеннен “жей” жүрген жақсы.
***
Жемқорлық «жетістікке» жеткізеді.
***
Жеген – жегендікі,
Пайда – кедендікі.
***
Шенеуніктің жалаңдағаны – “жеймін” дегені.
***
Оңды-солды жегенге жұт жоқ.
***
Тартып жеген тоқ болар,
Табысы да көп болар.
***
Қор болмаймын десең қымқыра бер.
***
Бұра тартсаң – бұрын жетесің.
***
Қалтаға түскен қайыршы болмас.
***
Депутат дегеніне мәз,
Шенеунік жегеніне мәз.
***
Қалтасында бары – қарнынан белгілі.
***
Құлқын мен қалта тоймайды.
***
Аузыңды ашқанша,
Араныңды аш.
***
Пайданы ойламаған бас – қалтаның соры.
***
Жұртқа жетпеген ақша жымқыруға жетеді.
***
Қызметінде пара алмаса,
Баиймын деу – далбаса!
***
Жегісі келген құлқынын жасырмас.
***
Опырып жегеннің орны жайлы.
***
Парақордың күні қолға телмірумен өтеді.
***
Парақор білімсізді қалар.
***
Қарын – құлқынның әміршісі.
***
Қазынаға жақын болсаң қарпып қал.
***
Дәмету де дерттің бір түрі.
***
Қалтасы қалыңға қатер жоқ.
***
Қанағат етсең аш қаласың,
Құлқыныңды тойдырсаң бас боласың.
***
Қымқырған қырға шығады.
***
Басқалар әкелсін десең, өзің де бер.
***
Дүние үшін жан пида!
***
Бірнәрсе бермесең жұрт та соңыңнан ермейді.
***
Таныссыз талпынбас болар.
***
Талапсыз талапкердің орнына теңгесі сөйлейді.
***
Ақшасы барда бөсті,
Ақшасы жоқта – өшті.
Үміт Зұлхарова.
Астана
