Технология • 08 Қаңтар, 2019

Қытай спутнигі ай мен жердің «қараңғы жағынан» түсірілген таңғажайып суретін жіберді

898 рет
көрсетілді
1 мин
оқу үшін

Ай зондынан сигнал беретін Chang'e 4, Қытай спутнигі Queqiao Ай мен қашықтағы Жердің «қараңғы жағынан» түсірілген таңғажайып фотобейнесін жіберді. Бұл туралы Space.com басылымы хабарлайды.

Қытай спутнигі ай мен жердің «қараңғы жағынан» түсірілген таңғажайып суретін жіберді

Andrew Jones

Спутник-ретранслятор Queqiao  айдан 65 мың-80 мың шақырымдық жердегі гало орбитасында орналасқан. 3 қаңтарда Қытай іске қосқан зонд Chang'e-4 айдың артқы жағына сәтті қонды.

Chang'e Station-4 7 желтоқсанда жіберілген, ал 2 қаңтарда зымыран 186 км тереңдіктегі Фон Карман кратеріндегі айдың алыс жағына алғаш рет қонды. Алты дөңгелекті Yutu 2 жер үсті көлігі қазірдің өзінде қонған жерінен шығып, Фон Карманның кратерінің ішіндегі кіші кратердің шетіне дейін жетеді. Ол планетада кем дегенде үш ай жұмыс істеуі керек.

Оның негізгі міндеттерінің арасында ай топырағын зерттеу, сондай-ақ Жерден кедергілердің болмауы жағдайында радиоастрономиялық бақылау мүмкіндігін тексеру бар. Зерттеу нәтижелері бойынша ғалымдар айдың бетінде шағын радиотелескоптың орналасу мүмкіндігін қарастырады.

Сонымен қатар, зондтың отырғызу платформасында биологиялық эксперимент жүргізіледі. Айға жөнелтілген аппаратта картоп тұқымдары бар герметикалық контейнер және Arabidopsis thaliana өсімдіктері, сондай-ақ жібек құртының жұмыртқалары орнатылған.

Ғалымдар ғарыш аппараттарында өсімдіктер фотосинтез процесінің әсерінен көмірқышқыл газын өндіретін тұйық экожүйе құруға болатындығын  тексергісі келеді.

Queqiao спутнигі өткен жылдың мамыр айында іске қосылды.

Айта кетейік, Ай мен Жердің алыс жағындағы соңғы сурет 2014 жылы жасалды.

 

Мәдина ЖӘЛЕЛҚЫЗЫ,

«Егемен Қазақстан»