Аймақтар • 05 Сәуір, 2019

Ақсуда мектеп оқушылары қамшы өреді

619 рет көрсетілді

М. Омаров атындағы ауыл мектебінде сабақтан тыс уақытта қолөнер үйірмесі жұмыс жасайды.

Технология пәнінің  мұғалімі Жиенхан Қаманайұлы  оқушы ер балаларға қамшы өрудің, саптауды  үйретеді. Арнайы  шеберлік сабақтарын өткізеді.

Бізге Нұрбол  Берікбол, Хақабай Аңсат, Мұратбек Ақжол,Қабдығалым Алдияр, Өсерхан Ақжол сияқты  оқушылар қамшының қайысын дайындау тәсілін, өруді, саптауды қалай үйренгендерін көрсетті.

Жиенхан ағамыздың айтуынша, асау қамшы, қызқуар, көкпар, дырау, дода қамшы, бақсы қамшы, бозбала, бәйге, дүре қамшы,сарыала қамшы, жылан бауыр, бала қамшы, ақ қамшы, қанжар қамшы, киелі қамшы деген жиырмадан аса түрі бар.

Әрқайсысы әртүрлі өрілген, қолданылу мақсат-міндеті, ережесі, жеке тәртібі бар. Қазір оқушылар «Бала қамшы», «Әскер қамшы», «Неке қамшы», «Бақсы қамшы», «Сүндет қамшы» сияқты қамшының түрлерін өріп, саптап үйренуде. Жиенхан Қаманайұлы  1991 жылдары атамекенге алғашқы лекпен оралған қандастарымыздың бірі.

Бұл күндері  Ақсу қаласына қарасты ауылдық аумақтарда Монғолиядан оралып, атамекенге орныққан көп балалы отбасылар тұрады. Мектептерге бала толды. Ұмытылып бара жатқан бұрынғы салт-дәстүр, ұлттық ойындар,қамшы секілді қасиетті заттарымыз ортамызға қайта оралды. Жиенхан мұғалімнің ауыл мектебінде ашылған үйірмесінің бөлімдері қазір Ақсу қаласындағы №1, №4, №8  лицей мектептерінде жұмыс істейді.



Павлодар облысы,

Ақсу қаласы

Соңғы жаңалықтар

Астанада «Вaitursynuly.kz» сайтының тұсаукесері өтті

Ахмет Байтұрсынұлы • 03 Ақпан, 2023

Ұқсас жаңалықтар