Жамбыл облыстық полиция департаментінің хабарлауынша, ұсталғандар су жануарларын жаппай жоятын, заңмен тыйым салынған ток арқылы жұмыс істейтін қармақты пайдалана отырып, балық аулаған. Нәтижесінде жалпы салмағы 177 келі болатын балық, резеңке қайық және арнайы қолдан жасалған электрлі қармақ тәркіленді. Қазіргі таңда жергілікті полиция мекемесі Жамбыл ауданының полиция бөлімімен Қазақстан Республикасы Қылмыстық Кодексінің 335-бабы 3-бөлігі 2,4-тармақшаларымен сотқа дейінгі тергеу амалдары жүргізілуде екенін айтты.
Жамбыл облысы