Аймақтар • 01 Маусым, 2019

Қарағандыда зұлмат жылдардың құрбандарын еске алды

768 рет көрсетілді

Қарағанды қаласының іргесіндегі Спасск мемориалдық кешенінде саяси қуғын-сүргін құрбандарын еске алу күніне арналған митинг өтті. Шараға Қарағанды облысының әкімі, Украина, Чехия, Корея және Румынияның Төтенше және Өкілетті елшілері, сондай-ақ Қырғызстан, Франция, Иран және Жапония елшіліктерінің өкілдері қатысты.

Митингте сөз алған облыс басшысы Ерлан Қошанов қаскөй жүйенің жазықсыз құрбандарын еске алу үшін Қарағанды жеріне арнайы келген қауымға алғыс сезімін жеткізді.

– Адамзат тарихындағы айтып жеткізгісіз қасіреттің осында тұрған әрбір адамға қатысы бар, сол себепті де біздің тарихымыздағы бұл қайғылы кезеңді ұмытуға еш қақымыз жоқ. Сол кездегі зұлматтан Қазақстанның көрнекті қайраткерлері де жазықсыз жапа шекті, құрбан болды. Олардың арасында биыл туғанына 125 жыл толатын біздің жерлесіміз Сәкен Сейфуллин де бар. Ақынның және сол қасіретке толы дәуірдің барлық құрбандарының рухы мәңгі есте сақталады, – деді облыс әкімі.

Сондай-ақ, митингте сөз сөйлеген Оңтүстік Корея Республикасының Қазақстандағы Төтенше және Өкілетті Елшісі Ким Дэсик жыл сайын осы жерге келіп, құрбандарды еске алу шарасына қатысуды дәстүрге айналдырғанын айтты.

– Әрине, зұлмат жылдардың өрті корей халқын да шарпып өтті. 1937 жылы Қазақстанға 500 мыңға жуық корейлер зорлықпен көшірілген екен. Сол кезде олар құрған корей диаспорасы күні бүгінге дейін жұмыс істеп тұр. Мен олармен байланысты үзген емеспін және олардың арасында мақтан етуге тұрарлық адамдар көп, – деді елші мырза.

 Митингте саяси қуғын-сүргінге ұшырағандардың бүгінгі ұрпақтары да ата-бабалары туралы естеліктерімен бөлісті. Солардың бірі, зұлмат құрбаны Зиявд Досаевтың ұрпағы айтқан әңгіме жұртты бей-жай қалдырмады.

– Менің ата-анамды Осакаров ауданының Пионерское ауылына жер  аударған. Ол уақытта елді мекенде тұратын гректер, Кубан казактары, немістер, шешендер, ингуштардың бәрі қуғынға ұшырағандар санатынан болатын. 1952 жылы мен мектепке бардым. Әлі есімде, Сталин қайтыс болған кезде жыламағаным үшін мектепте мені таяқпен сабаған еді. Мұның бәрі, әрине, өткен күндер. Құдайдан енді ондай қасірет қайталанбасын деп тілейміз. Мен қазір бейбіт Қазақстанда тұрып өмір сүріп, ашық аспан астында балалар мен немерелерімізді тәрбиелеп жатқанымызға қуаныштымын, – деді ол.

Еске алу шарасына қатысқан облыстың бас имамы, Қарағанды және Шахтинск епархиясының хатшысы, грек-католик епархиясының бас викарийі сталиндік қуғын-сүргін кезінде қаза тапқан адамдардың рухына дұға етті. Митингтің соңына таман мемориалдық кешендегі 28 мемлекеттің атынан орнатылған ескерткіштерге гүл шоқтарын қою рәсімі өтті.

 Еске салсақ, Спасск кентінде 1930-50 жылдары КСРО Ішкі Істер Халық Комиссариатының бөлімшелері, әскери тұтқындарға және қамауға алынғандарға, сонымен қатар КСРО-ның қуғын-сүргінге ұшыраған азаматтарына арналған лагерь орналасты. Мұрағат мәліметтері Спасск зиратында 50-ден астам ұлт өкілін құрайтын 5 мыңнан астам адам жерленген деген деректі алға тартады.

Соңғы жаңалықтар

Уақытпен бірге түлеген

Әдебиет • Бүгін, 08:33

Баладан қашқан безбүйрек

Қоғам • Бүгін, 08:31

Студенттер ара бағып жүр

Білім • Бүгін, 08:28

Маса мазаны ала бастады

Аймақтар • Бүгін, 08:27

Қалыпты ұйқы – қуат көзі

Қоғам • Бүгін, 08:26

Берешек – 24,3 млрд теңге

Экономика • Бүгін, 08:24

Үздіктер анықталды

Қоғам • Бүгін, 08:21

Жұртшылыққа қарай жаңа қадам

Аймақтар • Бүгін, 08:19

Алға ұмтылған Ақмола

Аймақтар • Бүгін, 08:17

Ашық қоғамның айқын көрінісі

Қазақстан • Бүгін, 08:15

Семей қаласының гербі бекітілді

Аймақтар • Бүгін, 07:47

Бас жүлде бұйырмады

Спорт • Бүгін, 07:42

Жоспарын жария етті

Спорт • Бүгін, 07:40

Цифрландыру – өзекті мәселе

Үкімет • Бүгін, 00:49

БҰҰ-ның Жаһандық шартына қосылды

Экономика • Бүгін, 00:34

Жеті түрлі сөз

Әдебиет • Кеше

Ұқсас жаңалықтар