Мәдени жылдың аясында өзбектің Ұлттық академиялық драма театрында Мұхтар Әуезовтің шығармасы негізінде Марат Азимовтың режиссерлігімен сахналанған «Абай» спектаклінің премьерасы болып өтті. Спектакльдің суретшісі – Бахтиер Тураев. Әйгілі қазақ ақыны Абайдың қарама-қайшылықтарға толы өмірі негіз етіп алынған бұл спектакль оқиғалары сахнада өзіне тән режиссерлік және арнайы заманауи техникалық тәсілдермен байытылған.
Абай рөлін Өзбекстанның халық әртісі Яқуб Ахмедов орындаған. Өзбек басылымдарының ақпаратына сүйенсек, Ұлттық академиялық драма театрының репертуары тағы бір жақсы спектакльмен толыққан.
