Экономика • 17 Қыркүйек, 2019

Нұр-Сұлтанда жаһандық инновациялық саммит басталды

50 рет көрсетілді

Бұл саммит Орталық Азияда алғаш рет өтуде. Форумға қатысу үшін 16 елден 50-ден астам халықаралық спикерлер келді. Бұл туралы елорда әкімдігінің баспасөз қызметі хабарлады.

- Бұл кездесу біздің форум аясында 10 рет кездесуіміз. Нұр-Сұлтан қаласы осы кездесуге өте жақсы, қолайлы қала, себебі Қазақстан қазіргі таңда өмірдің барлық салаларын қамтитын трансформациялық процестердің жүрегі болып табылады, - деді GFCC Президенті Дебора Л. Винс Смит.

Премьер-Министрдің бірінші орынбасары - Қаржы министрі А. Смайылов Дүниежүзілік Банктің Doing Business рейтингісінде Қазақстан 28-ші орынға көтерілгенін, Жаһандық бәсекеге қабілеттілік индексінде еліміз 59-шы орынға ие болғанын атап өтті. Саммиттің таңдалған тақырыбының өзектілігі туралы айта келе, Тұңғыш Президент – Елбасы қорының атқарушы директоры Ә. Исекешев соңғы онжылдықта болған өмірдің түрлі салаларындағы Елеулі «ілгерілеулерді» атап өтті.

- Қазақстан Тұңғыш Президенті Қорының миссиясы – елдің тұрақты дамуына және ұлтымыздың бәсекеге қабілетті болуына ықпал ету. Елбасының тапсырмасы бойынша бірнеше жобаны іске қосамыз. Олардың бірі-еліміздің бәсекеге қабілеттілік қасиетін арттыру, тұрақты инклюзивті өсудің әлеуметтік-экономикалық моделі бойынша мемлекет үшін ұсыныстар әзірлеу және де ғылыми - практикалық зерттеулер жүргізу, - деді Ә. Исекешев.

Ә. Исекешев Нұр-сұлтан, Алматы және Шымкент сынды ірі қалалар әрдайым таланттардың орталығы екендігін аса атап өтті. Ал елордамыз Нұр-Сұлтан қаласы таланттар үшін ең озық орталық ретінде танылғанын айтты.

- Елбасының шешімінің арқасында қала алғашқы трансформациядан сәтті өтті. Халық саны 3,5 есеге артып, қазіргі таңда 1 млн адамнан асты. Қазақстан президенті Қасым-Жомарт Тоқаев қаланың одан әрі дамуына үлкен мән береді. Бүгінде Нұр-Сұлтан қазіргі заманғы инновацияларды: білім беру, медициналық және спорт кластерін қамтитын орын болып табылады. Сондай - ақ Назарбаев университеті, ЭКСПО, «Астана» халықаралық қаржы орталығы және басқа да маңызды нысандары бар басты қалаға айналды, - деді елорда әкімі А. Көлгінов.

Сонымен, қаланың бәсекеге қабілеттілігін арттыру мақсатында 5 негізгі құралды пайдалану жоспарланып отыр: АХҚО платформасы, инновациялық экожүйені құру, цифрландыруды күшейту, өңірлік интеграциялық бірлестіктердің артықшылықтары (жаңа Жібек жолы, ЕАЭО, ШЫҰ), сондай-ақ географиялық жағдайдың көліктік-логистикалық әлеуеті. Саммитке қатысушылар мемлекет жүргізіп отырған реформаларға қатысты оң пікір білдірді, бәсекеге қабілеттілік жөніндегі жаһандық Кеңес федерациясының атқарушы директоры Р. Альварез Қазақстан - ОА-дағы аса серпінді дамып келе жатқан мемлекеттердің бірі екенін айтты.

Соңғы жаңалықтар

Медбикенің мұнысы не?

Аймақтар • Бүгін, 14:50

Доллар арзандап келеді

Экономика • Бүгін, 13:31

Бұғының мүйіздері ұрланған

Аймақтар • Бүгін, 11:38

Салаға дем берген жан

Экономика • Бүгін, 10:01

Алматыда жер сілкінді

Аймақтар • Бүгін, 09:23

Татьянаның тәтті жымиысы

Руханият • Бүгін, 08:39

Аспандағы Ардана

Қоғам • Бүгін, 08:39

Ұқсас жаңалықтар