Қоғам • 19 Қыркүйек, 2019

Мәдениет қызметкерлерінің жалақысын арттыру үшін Үкіметке тиісті қаулы әзірленді - А. Райымқұлова

51 реткөрсетілді

Мәдениет және спорт министрі Ақтоты Райымқұлова Алматы облысы, Қарасай ауданындағы «Үш қоңыр» спорт мектебіне барды. Онда министр жергілікті тұрғындармен кездесіп, Президент Қасым-Жомарт Тоқаевтың «Сындарлы қоғамдық диалог – Қазақстанның тұрақтылығы мен өркендеуінің негізі» жолдауы жайлы, маңызды құжатта көрсетілген міндеттерді жүзеге асыру жайында айтып берді. Бұл туралы министрліктің баспасөз қызметі хабарлады. 

Мемлекет басшысының жолдауында бұқаралық спортты дамытудың маңыздылығына ерекше мән берілгені белгілі. Президент әсіресе «спорт инфрақұрылымының балалар үшін барынша қолжетімді болуын қамтамасыз ету керек» деген еді. Мәдениет және спорт министрі Ақтоты Райымқұлова «Үш қоңыр» мектебі осы міндетті жүзеге асыруға үлес қосып жатқанын айта келе, спорт саласында жүргізіліп жатқан және жоспарланып отырған жұмыстардың қорытындысы бойынша 2025 жылға қарай елімізде дене шынықтыру және спортпен шұғылданушылардың санын 35%-ға дейін арттыруға болатынын жеткізді. Былтырғы жылдың қорытындысына сәйкес, елдегі спортпен жүйелі түрде айналысатындар саны 5,4 млн-нан астам адам, яғни 29,8%.

Министр сондай-ақ жолдау сала қызметкерлерінің әлеуметтік жағдайын жақсартуға да мүмкіндік беретінін айтты. «Мәдениет және спорт министрлігі 2020 жылдан бастап мәдениет және өнер қызметкерлерінің жалақысын арттыру үшін Үкіметтің тиісті қаулысын әзірледі, ол жыл соңына дейін қабылданатын болады. Мәдениет саласына тікелей қатысы бар адам ретінде, осы жалақыны арттыру мәселесінің шешілуін қаншалықты күткенімізді түсінемін», - деді министр.

Қазақстан Республикасының Тұңғыш Президенті – Елбасы Нұрсұлтан Назарбаевтың қолдауымен осыдан 3 ай бұрын ашылған «Үшқоңыр» спорт кешенінде спорттың 16 түрі бойынша үйірмелер жұмыс істейді, 2 бассейн бар. Балалар еркін күрес, дзюдо, бокс, волейбол, жеңіл атлетика, таеквандо мен үлкен теннис сынды олимпиадалық спорт түрлерінен жаттығады. 45 жаттықтырушы қызмет ететін мекемеде 2 мыңға жуық спортшыны дайындап шығаруға мүмкіндік бар. Елбасы Н.Назарбаев бұл кешеннен болашақ олимпиада жеңімпаздары түлеп шығатынына сенім білдірген еді.

Соңғы жаңалықтар

Ең қысқа әңгіме. Төреғали Тәшенов

Ең қысқа әңгіме • Кеше

Ең қысқа әңгіме. Құдияр Біләл

Ең қысқа әңгіме • Кеше

Ең қысқа әңгіме. Мади Сырымбетов

Ең қысқа әңгіме • Кеше

Ең қысқа әңгіме. Қойшыбек Мүбарак

Ең қысқа әңгіме • Кеше

Ең қысқа әңгіме. Жәудір Нартай

Ең қысқа әңгіме • Кеше

Ең қысқа әңгіме. Әлібек Байбол

Ең қысқа әңгіме • Кеше

Ең қысқа әңгіме. Болат Шарахымбай

Ең қысқа әңгіме • Кеше

Ең қысқа әңгіме. Асхат Өмірбаев

Ең қысқа әңгіме • Кеше

Күлкі керуені № 5

Руханият • Кеше

Меценаттың мырзалығы

Аймақтар • Кеше

Жазудың машақаты

Қоғам • Кеше

Әлемнің Әбдіжәмілі

Қазақстан • Кеше

Нан болса, ән болады

Қазақстан • Кеше

Белсене қатысу қажет

Қазақстан • Кеше

Ұқсас жаңалықтар