Президент • 01 Қазан, 2019

Өзара әріптестіктің әлеуеті зор

12 реткөрсетілді

Мемлекет басшысы Қасым-Жомарт Тоқаев Армения Премьер-министрі Никол Пашинянмен кездесті, деп хабарлады Президенттің баспасөз қызметі.

Кездесу барысында екіжақты сауда-экономикалық әріптестік пен көлік-логистикалық ынты­­­мақ­­тастық мәселелері талқыланды.

Қасым-Жомарт Тоқаев Никол Пашинянға қонақжайлылығы мен Жо­ғары Еуразиялық эконо­ми­калық кеңес отырысын биік дәрежеде ұйым­дастырғаны үшін алғыс біл­діре отырып, екі ел арасында қа­лып­тасқан сенімді диалогты атап өтті.

– Қазақ халқы армян халқын құрметтейді. Біз қос мемлекет ара­сындағы қарым-қатынасты нығай­туға ниеттіміз. Екі елдің орта­сындағы сауда-экономикалық ынты­мақ­та­с­тыққа ерекше назар аударуымыз керек. Жұмысты жандан­дырып қана қоймай, берік ынты­мақтастықтың қосымша мүмкіндіктерін қарастыру қажет, – деп атап өтті Қасым-Жомарт Тоқаев.

Никол Пашинян экономика саласындағы Қазақстан мен Арме­нияның өзара қарым-қатынасы одан әрі жандана беретініне сенім білдірді.

– Соңғы уақытта біздің сауда-экономика саласындағы қарым-қатынастарымыз жаңа белеске көтерілді. Бірақ біздің әлеуетіміз бұдан әлдеқайда жоғары деп ойлаймын. Біз осы әлеуетімізді барынша жандандыруға күш салуымыз керек. Өйткені Еуразиялық экономикалық одақ біздің елдеріміз үшін жаңа мүмкіндіктер ашып отыр, – деді Армения Премьер-министрі.

 

Соңғы жаңалықтар

Күлкі керуені № 20

Руханият • Кеше

Халің қалай, Қостанай?

Аймақтар • Кеше

«Йокериттен» жеңілді

Хоккей • Кеше

Ұқсас жаңалықтар