Қоғам • 07 Қазан, 2019

Азаматтардың өтініші жауапсыз қалмауы керек

25 реткөрсетілді

Премьер-Министрдің орынбасары Бердібек Сапарбаев Қарағанды облысына жұмыс сапары аясында бірқатар медициналық нысандарды аралап, Денсаулық сақтау министрі Елжан Біртановтың, Еңбек және халықты әлеуметтік қорғау министрі Біржан Нұрымбетовтің, облыстар және Нұр-Сұлтан, Алматы, Шымкент қалаларының әкімдері орынбасарларының қатысуымен кеңес өткізді.

МӘМС жүйесі енгізілген алғашқы өңір

Талқылауға салынған негізгі та­қырып – өзін өзі жұмыспен қамтыған ха­лықтың мәртебесін өзектендіру, түсін­діру жұмыстарын жүргізу және мін­детті әлеуметтік медициналық сақтан­дыруды енгізу аясында сақтандыру аударымдарының уақтылы жүзеге асырылуын қамтамасыз ету мәселелері болды.

«Ең бастысы, халықтың мәртебесін өзектендіру. Бізде жақсы тәжірибе бар, алайда кемшіліктерді де жасыруға болмайды. Жыл соңына дейін мәртебесі әлі анықталмаған барлық адамдарды қамту керек. Әрбір қазақстандық бұл жүйенің қалай жұмыс істейтінін, әсіресе ауылдық жерлерде медициналық көмекті қалай ала алатынын білуі тиіс. Төлемдердің уақтылы жасалуы мәселесін де шешу қажет. Салық органдары салықты және міндетті әлеуметтік төлемдерді, оның ішінде МӘМС төлеуді бақылауды және жұмысты күшейтуі тиіс. 2020 жылдың 1 қаңтарынан бастап МӘМС-ті іске қосу бойынша Елбасы мен Президенттің тапсырмалары бар. Мерзімдер ауыстырылмайды. Барлық өңірлер жыл соңына дейін дайын болуы тиіс», деді Бердібек Сапарбаев.

Жалпы вице-премьер атап өткендей, медициналық сақтандыруды енгізуге дайындық жоғары. Қарағанды облысында МӘМС апробациясының алғашқы айы денсаулық сақтау жүйесінің келесі жылдан бастап ел бойынша медициналық сақтандыруды ауқымды түрде енгізуге дайын екенін көрсетті.

Сонымен қатар МӘМС жүйесіне қолдау ретінде денсаулық сақтау жүйесінің ардагерлері жоғары санатты дәрігер, медицина ғылымдарының докторы, профессор Абай Байгенжин және бұрынғы Денсаулық сақтау министрі, медицина ғылымдарының докторы Жақсылық Досқалиев өз пікірлерін білдірді.

«Біздің санамызға кеңес заманынан бері мемлекет медициналық қызметтерді төлеуге, қымбат оталарды тегін жүргізуге, дәрі-дәрмектерді тегін беруге тиіс деген пікір берік орнап қалған. МӘМС адамдарды өз денсаулығына жауапкершілікпен қарауға үйретеді. Азаматтар өздерінің денсаулығына жауапты екенін түсінуі тиіс. МӘМС енгізу денсаулық сақтау саласын ресурстық қамтамасыз етуді айтарлықтай арттыруға, медициналық мекемелер мен қызметкерлердің экономикалық қызығушылығын арттыруға мүмкіндік береді, денсаулық сақтауды барынша икемді және тиімді қаржыландыруға жол ашады», деп есептейді Абай Байгенжин.

Кеңес қорытындысы бойынша Бер­дібек Сапарбаев медициналық сақтандыру жүйесін енгізу, халықтың мәртебесін өзектендіру және халықты ақпараттандыру бойынша жұмысты жалғастыруды тапсырды.

«Life In» оңалту орталығын және «Ми­рас» клиникасын аралау барысында Бер­дібек Сапарбаев цифрландыру жүйе­сінің енгізілуімен, медициналық қыз­меттердің сапасымен, сондай-ақ клиника қызметкерлерін қаржылық қамтамасыз ету деңгейімен танысты.

Қарағанды облысы – қанатқақты режімде міндетті әлеуметтік медициналық сақтандыруды енгізген алғашқы өңір. Бұл жүйе осы жылдың 1 қыркүйегінде іске қосылды, ал еліміздің басқа өңірлерінде оны 2020 жылдың 1 қаңтарында енгізеді. Бүгінгі таңда Қарағанды облысында тұрғындарының 81%-да МӘМС жүйе­сін­дегі мәртебесі анықталды.

 

Мобильді жұмыспен қамту орталығы

Бердібек Сапарбаев сондай-ақ мо­­бильді Жұмыспен қамту орталық­тарының тәжірибесімен танысты. Қара­ған­дылықтар елімізде бірінші болып ірі базарлар мен вокзалдар секілді адам көп шоғырланатын жерлерде жұмысқа орналастыру пункттерін құрды. Жұмыс іздеп жүрген адамдар бос орындармен танысып, бірден жұмыс берушіге жолдама ала алады немесе кәсіби курстарға жазыла алады. Мамандар азаматтарға өз ісін ашу мүмкіндіктері туралы айтып, мемлекеттік қолдау шаралары туралы кеңес береді.

Облыс орталығында алғаш ашылған мобильді Жұмыспен қамту орталығы күн сайын мыңдаған адам өтетін «Шығыс» базарының аумағында орналасқан. Вице-премьерді орталық жұмысының жүйелілігі мен тиімділігі қызықтырды. Осындай мобильдік жұмыспен қамту орталықтары облыстың басқа қалалары мен аудандарында жұмыс істейді. Олардың жалпы саны – 11. Сонымен қатар 13 жылжымалы жұмыспен қамту пункті бар.

Биыл өңірде 25 мыңнан астам адам жұмыспен қамтылды. Мемлекеттік жұмыспен қамту бағдарламасының барлық тетіктері іске қосылды. Жастар тәжірибесіне 2321 адам жіберілді. «Бастау Бизнес» жобасы бойынша кәсіпкерлік негіздеріне 1300-ден астам адам оқы­тылды. Курс түлектері жобаларды іске асыруға 957 шағын несие алды.

Жыл басынан бері облыста 30 700-ден астам жаңа жұмыс орны ашылды, оның ішінде әрбір үшіншісі ‒ тұрақты.

 

Жастармен жүздесті

Премьер-Министрдің орынбасары сонымен қатар өңірдің белсенді жастарымен кездесті. Басқосу Қарағанды мемлекеттік техникалық университетінде өтті. Жастар вице-премьерге өздерінің алғашқы табыс­тары туралы әңгімеледі.

«Жастар – қоғамның қозғаушы күші. Әр адам жастардың болашағы жақсы болғанын армандайды. Біздің мақсатымыз – жастарға даму үшін жағдай жасау. Жастар жылы, алдағы еріктілер жылы және Президенттік кадрлық резервке қабылдау – бұл қадамдардың барлығы елімізде жастардың өз мақсаттарын жү­зе­ге асырып, армандарына қол жеткізе ала­ты­нын білдіреді», деді Бердібек Сапар­баев.

Қазақстанда Жастар жылында 89 ірі іс-шара жүзеге асырылып жатыр, тұрғын үй проблемасын шешу бойынша да шаралар әзірленді, жас кәсіпкерлер де қолдауға ие болған. Кездесуге студенттер, жас кәсіпкерлер, жұмысшылар, спортшылар, еріктілер жиналды. Жас кәсіпкер Біржан Иманов, «Еңбек» бағдарламасының қаты­сушысы Александр Концевич бизнестегі алғашқы қадамдары туралы айтып берді. 

Премьер-Министрдің орынбасары Бердібек Сапарбаев пен Қарағанды облы­сының әкімі Жеңіс Қасымбек өңір жұрт­шылығымен кездесті. Вице-премьер «Сындарлы қоғамдық диалог – Қа­зақстанның тұрақтылығы мен өркен­деуінің негізі» атты Жолдауында ел Прези­дентінің алға қойған міндеттерін іске асыру жөніндегі шаралар туралы айтып берді.

Кездесуге сондай-ақ Денсаулық сақтау министрі Елжан Біртанов, Білім және ғылым министрі Асхат Аймағамбетов, Еңбек және халықты әлеуметтік қорғау министрі Біржан Нұрымбетов қатысты.

«Қоғамдық келісім болған кезде оң нәтиже де, әл-ауқат та, гүлдену де болады. Президент Қасым-Жомарт Тоқаев бұл мәселеге үлкен назар аударады. Бұл мемлекет пен қоғамның арасындағы диалогқа қатысты. Мұнда үкіметтік емес ұйымдардың әлеуетін тарту керек. Ел Үкіметі екі тұжырымдаманы әзірлеуде: «тыңдаушы мемлекет» және азаматтық қоғамды дамытудың 2025 жылға дейінгі тұжырымдамасы. Бұл құжаттар жылдың соңына дейін дайын болуы тиіс. Онда ашық үкімет және халықпен тиімді кері байланыс мәселелері қозғалады. Азамат­тардың бірде-бір өтініші мен шағымы жауапсыз қалмауы керек», деді Бердібек Сапарбаев.

Вице-премьер қоғамдық кеңестердің қызметін күшейту қажеттігін атап өтті. Да­рынды балаларды қолдау картасы, балалар мүддесін қорғайтын 2030 жылға дейінгі мемлекеттік саясат тұжырымдамасы әзірленеді. 2019 жылдың соңына дейін жи­нақтардың кірістілігін арттыру мақ­сатында зейнетақы активтерін инвестициялау тәсілдерін қайта қарау жоспарланып отыр.

 

Балалардың бос уақытын ұйымдастыру керек

Сонымен қатар Премьер-Министрдің орынбасары Бердібек Сапарбаев Г.Голов­кин атындағы қарағандылық спорт кеше­нінде болды. Онда жас спортшылар GGG қолдау мақсатында флешмоб өткізді. 6 қазанда Нью-Йорктің белгілі арена­сында әлемге әйгілі қарағандылық Генна­дий Головкин украиналық Сергей Дере­вянченкомен жекпе-жек өткізгені белгілі. Былғары қолғап шеберлерінің шайқасында бәйгеге IBF және IBO нұсқалары бойынша орта салмақтағы әлем чемпионы атағы тігіліп, жерлесіміз ұпай санымен жеңіске жетті.

Вице-премьер ауыр атлетика, күрес, баскетбол залдарын және жүзу бассейнін аралап көрді.

 

ҚАРАҒАНДЫ

 

Баннер
Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Алматы еліміздің мәдени орталығы

Қазақстан • 18 Қазан, 2019

Жаңаөзенде «Баста» форумы өтті

Аймақтар • 18 Қазан, 2019

Алғашқы күні жүлде бұйырмады

Спорт • 18 Қазан, 2019

«Алтын бутса» иесі атанды

Спорт • 18 Қазан, 2019

Тағы овертаймда ұтылды

Хоккей • 18 Қазан, 2019

Жәнияның жұлдызы жарқырады

Руханият • 18 Қазан, 2019

Ұқсас жаңалықтар