Парламент • 09 Қазан, 2019

Дариға Назарбаева Батыс Қазақстан облысына жұмыс сапарымен барды

43 реткөрсетілді

Сенат Төрағасы Дариға Назарбаева Батыс Қазақстан облысына жұмыс сапары барысында «Зенит» кеме жасау зауытының жұмысымен танысты. Бұл туралы Парламент Сенатының баспасөз қызметі хабарлады.

Зауыт басшылығымен және еңбеккерлермен әңгіме кезінде Сенат басшысы қорғаныс саласының мүддесіне жұмыс істейтін кәсіпорынды дамытуға қажетті нормативтік-құқықтық база жасалғанын, елімізде жыл басында «Қорғаныс өнеркәсібі және мемлекеттік қорғаныстық тапсырыс туралы» жаңа заң қабылданғанын атап өтті.

«Үкімет қорғаныс мақсатындағы өнім шығаратын отандық кәсіпорындарды қолдау бойынша жүйелі жұмыс жүргізуі керек. Бізге өз өнеркәсібімізді дамыту және тапсырыстарды бірінші кезекте қазақстандық кәсіпорындарға беру маңызды», деп атап өтті Д.Назарбаева.

Дариға Назарбаева сол күні Оралдағы ұлттық мәдени орталықтардың басшыларымен, Батыс Қазақстан облысындағы жастар мен еріктілер ұйымдарының өкілдерімен кездесті. Дариға Назарбаеваның айтуынша, Қазақстан халқы Ассамблеясы еліміздегі ұлтаралық татулық пен келісімді нығайтудағы ықпалды қоғамдық күш болып табылады.

«Жылы шырайлы кездесулер мен ізгілікті сөздеріңіз үшін Сіздерге алғыс айтамын. Сіздердің нақты істерге ниеттенген оң көзқарастарыңыз көңілге қуаныш ұялатады. Бүгінде Қазақстан халқы Ассамблеясы ұлттық мәдени орталықтардың жұмысына жастарды белсенді түрде тартып, жаңа көшбасшыларды өсіруі тиіс. Әр ұлт жастарының мансабы мен кәсіби тұрғыда өсуі үшін тең мүмкіндіктер жасалуы тиіс. Жастар елден көшіп кетпеуі үшін әлеуметтік лифтілердің ашық жүйесі керек», деп атап өтті Сенат Төрағасы.

Сенат басшысы аймақтағы бұқаралық ақпарат құралдарының өкілдерімен жүздесуде ақпарат құралдары қазіргі әлемде тап болып отырған жаңа қауіп-қатерлер туралы айтты. Дариға Назарбаеваның айтуынша, дәстүрлі бұқаралық ақпарат құралдары – теледидар, радио, газет – халықтың 70 пайызы үшін бұрынғыша ақпараттың негізгі көзі екенін статистика деректері көрсетіп отыр. Сонымен бірге ғаламтор мен мобильді құрылғылар арқылы медианы тұтыну ұлғайып барады. Бұл үдерістер сараланып, бұқаралық ақпарат құралдары саласын дамыту жөніндегі мемлекеттік стратегияда белгіленуі тиіс. Сенат басшысы Батыс Қазақстан облысындағы бұқаралық ақпарат құралдарының өкілдерін осы құжатты дайындауға және ақпарат құралдары туралы заңнамаға түзетулер әзірлеуге белсенді қатысуға шақырды.

Соңғы жаңалықтар

Иржи Пачинектің шыны бағы

Аймақтар • Бүгін, 14:44

Келелі келісім кепілі

Саясат • Бүгін, 07:34

Жаңалығы көп жаңа жоба

Аймақтар • Бүгін, 07:29

Ел қоржынына кезекті жолдама түсті

Жеңіл атлетика • Бүгін, 07:09

Қарасазға ақпанда аққу қонды

Аймақтар • Бүгін, 06:45

Есқараның Таня – Тана әжесі

Руханият • Бүгін, 06:40

Алаштың ұясынан ұшқан ғалым

Руханият • Бүгін, 06:35

Қажымұқанның қос қанаты

Таным • Бүгін, 06:35

Таным мен тағылым

Абай • Бүгін, 06:30

Финалда есе жіберді

Теннис • Бүгін, 06:20

«Пайда ойлама, ар ойла»

Сұхбат • Бүгін, 06:15

Газдан туған «наз»

Руханият • Бүгін, 06:10

Қауіпті су қоймалары

Қоғам • Бүгін, 06:05

75 күймен рекорд жаңартты

Руханият • Кеше

Ұқсас жаңалықтар