Руханият • 10 Қазан, 2019

«Тұлға» сыйлығын тапсыру «Егеменнің» 100 жылдық мерейтойына арналды

52 реткөрсетілді

Жезқазғанда қаланың рухани өміріне серпін берген салтанат – «Арқаның Атымтай жомарты» атанған белгілі меценат Бекзат Алтынбековтің ұйымдастыруымен «Тұлға» сыйлығын тапсыруға арнал­ған дүбірлі кеш болып­ өтті. Мәртебесі зор бұл іс-шара мемлекет және қоғам қайрат­кері, ақ­сұңқар ақын Сәкен Сейфул­линнің 125 жылдығы мен ел газеті «Егемен Қазақстанның» 100 жылдық мерейтойларына арналды.

«Тұлға» сыйлығын тапсыруға ар­налған салтанатты қауышу алуан түрлі іс-шараны қамтығанын айта кеткен жөн. Жан-жақтан келген құрметті қонақтар қала төріндегі Сәкен Сейфуллин, Қаныш Сәтбаев және Кетбұқа би ескерткіштеріне тағзым етіп, гүлшоқтарын қойды.

Есте қалар кездесудің бірі жергілікті №8 мектеп-гимназиясында болды. Сара Әбдікерова сынды білікті басшы жетекшілік ететін білім ұясының ұжымы бұл шараға тың­ғылықты дайындықпен келіпті. «Egemen Qazaqstan» газетінің тарихына терең үңілген оқушылар көрме ұйым­дастырып, театрландырылған қо­йы­­лымдар көрсетті. Арнайы ұйымдас­ты­рылған дөңгелек үстел шарасында басы­лымның қазіргі тыныс-тіршілігіне байланысты сұрақтар қойып, оларға газет бас­шылығы тарапынан толыққанды жа­уаптар алды. Кездесу барысында мектепте өткен «Егемен Қазақстан» тарихы – ел тарихы» атты апталықтың қорытындысы шығарылды. Атап айтқанда, «Ғасырлық тарихы бар «Егемен» тарихы» ғылыми практикалық конференциясында жеңім­паз атанған 11-сынып оқушысы Дильназ Сабитова, «Егемен ел шежіресі» («Еге­мен Қазақстанға» – 100 жыл) эссе бай­қауында топ жарған 9-сынып оқушысы Ақ­нұр Нақай, «Дені сау ұрпақ – егемен елдің болашағы» сайысында тоғызқұмалақтан үздік шыққан 10-сынып оқушысы Нұрайлым Байзакеш, «Жыр арқауы – «Егемен Қазақстан» мүшәйрасының жеңімпазы 11-сынып оқушысы Аружан Сәулен, «Егемен Қазақстан» – өрлеудің еңселі жолы» атты әдеби-музыкалық композицияны қоюшы қазақ тілі мен әдебиеті пәнінің мұғалімі Бағлан Досжанова арнайы сыйлықтармен марапатталды.

Одан әрі шараға қатысушылар Жез­қазғандағы тарихи-археологиялық музейде болып, «Егемен Қазақстан» га­зетіне – 100 жыл» атты көрмемен танысып, мысты өлке мен қасиетті Ұлытау өңі­ріне қатысты құнды жәдігерлерді тамашалады. «Халықтар достығы мен мәдениеті» үйіне ат басын тіреген қо­нақ­­тарға көрсетілген құрмет пен қо­ше­меттің салтанаты да айрықша келіс­ті болды. Бекзат Қомарұлының қол­ға алуымен Жезқазғанда алғашқы рет тағайындалып отырған «Тұлға» сый­лығы әр сала бойын­ша ұсынылған үміт­керлердің іші­нен ең таңдаулы деген үз­діктеріне берілді.

Салтанатты сәттің беташары ең әуе­лі номинациялық атаулық сыйлық­тар­ды тапсырудан басталды. Ел өмі­рін­дегі биылғы жылғы рухани жаңалықт­ың елеулісі қазақ баспасөзінің қараша­ңырағы «Егемен Қазақстанға» 100 жыл­ толғалы отыр. Газет тойымен 125 жылдық мерейтойы тұспа-тұс кел­ген, «Еңбекші қазақ» кезінде осы басы­лым­ның жауапты редакторы болған Сәкен Сей­фуллин атындағы атаулы сый­лық «Егемен Қазақстанның» Қараған­ды об­лысы бойынша меншікті тілшісі, жур­­налист Қайрат Әбілдаға тапсырыл­ды. Осы басылымның Жамбыл облы­сындағы тілшісі, журналист, ақын Хамит Есаман Алаш көсемі Әлихан Бөкейханов атындағы атаулы сыйлыққа ие болды.

Сонымен қатар Білім беру ісі­нің үздігі Шабал Бейсенбекова атын­да­ғы атаулы сыйлықпен №8 мектеп-гим­назиясының директоры Сара Әбді­керова, Қазақстанның Білім беру ісінің үздігі, Жез­­қазған қаласының құрметті азаматы Нүрия Жұмажанова атындағы сый­лық­пен №1 жалпы орта білім беретін мектептің директоры Әбдірахман Досанов марапатталды.

Қазақ театр өнерінде қайталанбас қолтаңбасын қалдырған талантты режиссер, Қазақстанның еңбек сіңірген қай­раткері, «Тарлан» сыйлығының лауреаты Жанат Хаджиев атындағы сый­лықты С.Қожамқұлов атындағы Жезқазған қазақ музыкалық-драма театрының талантты актері Кенжетай Әбілдин алса, Қазақстанның халық әртісі Досжан Жанботаев атындағы сыйлыққа «Кейкі мерген» сериалында Кейкінің рөлін сомдаған жас талант, Ғ.Мүсірепов атындағы балалар мен жас­өспірімдер театрының актері Дархан Сү­лейменов лайықты деп танылды. М.Әуезов атындағы Қазақ мемлекеттік академиялық драма театрының белді актері Кеңес Нұрланов атындағы сыйлық Қ.Қуанышбаев атын­дағы мемлекеттік академиялық му­зы­калық-драма теа­трының актері, Қа­зақстанның еңбек сіңірген қай­раткері Боранбай Молдабаевқа табыс етілді. Кезінде С.Қожамқұлов атындағы театрда Қодар сияқты күрделі образдарды сомдап, қазір Қостанай драма теа­трының тарлан актеріне айналған Қоныс­пек Бе­гайдаров атындағы сыйлыққа Қос­танай театрының талантты өнерпазы Олжас Бегайдар ие болды.

Театр өнері тарландарының бірі Серік Бұлғақбаев атындағы атаулы сыйлық С.Қожамқұлов атындағы театрдың жас таланты Нұржан Бейісбековке бұйырды. Өнер майталманы, «Құрмет» орденінің иегері Райхан Ибраева атындағы сый­­лық талантты актриса Зылиха Әбді­ра­сыловаға табыс етілді.

Келесі бір айтулы марапаттың жөні бө­лек десе болғандай. Өнердің тарлан тұл­ғасы, Қазақстанның еңбек сіңірген қай­раткері, халықаралық «Тұлпар» фес­тивалінің лауреаты Қайрат Кемалов атындағы атаулы сыйлықты меценат­ биыл алғаш рет белгілеп отыр. Бұл сый­­лыққа Ж.Хаджиев атындағы ха­лық­­аралық фестивальдың лауреаты, С.Сей­фуллин атындағы қазақ драма театрының жас актері Қуаныш Жағыпаров лайықты деп танылды. Лайықты марапатын өнер­дегі ізбасарына Қайрат Кемалұлы өз қолы­мен тапсырды.

Салтанатты шара одан әрі «Тұлға» сый­лығының иегерлерін ұлықтауға ұлас­ты. Мемлекеттік саясат пен ұлт­тық мүддені ұштастыра отырып, халқы­мызды руханият нәрімен сусындатуда бұқаралық ақпарат құралдарының ай­тар­лықтай маңызы бар екендігіне дау жоқ. Ұлт алдындағы үлкен жауап­кер­шілік жүгін мүлтіксіз көтеріп келе жатқан, ғасырлық тарихы бар ел газеті «Егемен Қазақстан» басылымы «Тұлға» сый­лығына лайықты деп танылуы көп­шіліктің көңілінен шықты. Осыған орай салтанатты шараға қатысып отырған «Еге­мен Қазақстан» республикалық газеті» АҚ басқарма төрағасының орынбасары Ерболат Қамен сахна төріне шақырылды. Мәртебелі сыйлықты «Құрмет» орденінің иегері, Қарағанды облы­сының құрметті азаматы Мұзараф Аханұлының қолынан алды.

Сондай-ақ «Тұлға» сыйлығы білім беру ісінің үздігі, «Ерен еңбегі үшін» медалінің және «Құрмет» орденінің иегері, Сәтбаев қаласының құрметті азаматы Шабал Бейсенбекова лайықты деп танылды. Ардагер ұстазға мәртебелі сый­лығын қала әкімінің орынбасары Зина Ақылбекова табыстаған соң, игі бастамаға ұйытқы бола білген Бекзат Алтынбековке алғыс лебізін жеткізіп, бұл «Рухани жаңғыру» бағдарламасы аясындағы айтарлықтай шара болғанына тоқталды. «Тұлға» сыйлығының келесі иегері Қазақстанның еңбек сіңірген қай­­раткері, Қазақстанның халық әртісі, биыл 70 жастың желкенін керген Досжан Жаботаев болды.

Сахна төріне көтерілген Қарағанды облыс­тық мәслихатының депутаты, облыстық «Қоғамдық келісім» ке­ңе­сі­нің төрағасы, Nur Otan партиясы Сая­си кеңесінің мүшесі Бекзат Ал­тын­­беков қазақ ән өнеріне ерекше ең­бек сіңіріп жүрген әнші, композитор, ақын, Қазақстанның еңбек сіңірген қай­рат­кері Елена Әбдіхалықоваға 400 мың тең­гелік «Өнер грантын» тапсырумен тар­ландарды таңдап, ұлықтау рәсімі мәресіне жетті. Елена әнші «Жез даламды аңсаймын» әнінен бастап бірнеше өз туындыларын орындап, көпшіліктің ықыласына бөленді.

Салтанатты оқиғаға куә болған қа­уым 15 жылдан бері қайырымдылық іс­тері­мен айналысып келе жатқан меценат Бекзат Алтынбековке «Бір қаланың, бір ауданның шаруасын бір өзі атқарды» деген баға беріп, ризашылық сезімін білдірді.

 

Амандық РАХҰЛЫ,

Қазақстанның құрметті журналисі

 

Қарағанды облысы,

Жезқазған қаласы

 

Соңғы жаңалықтар

176 келі қызылбалықпен ұсталды

Аймақтар • Бүгін, 09:50

6 мың шақырым жол ақылы болады

Экономика • Бүгін, 08:21

Арнайы экономикалық аймақ

Экономика • Бүгін, 08:13

Үздік нәтиже – 12-орын

Спорт • Бүгін, 08:04

Қаһарманға құрмет

Руханият • Бүгін, 08:02

Балуандардың Сырдағы бәсекесі

Аймақтар • Бүгін, 08:01

Мақсаты биік «Мәміле»

Аймақтар • Бүгін, 07:59

ЖИТС-ке қарсы іс-шаралар өтеді

Медицина • Бүгін, 07:43

Таланттар тәлімгері

Руханият • Бүгін, 07:41

Ақын және оның музасы

Руханият • Бүгін, 07:40

Ауадан қармаған айыппұл

Аймақтар • Бүгін, 07:34

Шолоховқа ақ бота сыйлаған

Аймақтар • Бүгін, 07:30

Үркімбаев үйлесімі

Аймақтар • Бүгін, 07:27

Жошыға апарар жол

Қоғам • Бүгін, 07:23

Түрленіп, түлеген Түркістан

Аймақтар • Бүгін, 07:21

Кәсіби кадрлар жұмыс істеуі тиіс

Экономика • Бүгін, 07:12

Оңалту орталықтары салынады

Аймақтар • Бүгін, 07:03

Телефон арқылы сөйлесті

Президент • Бүгін, 06:50

Елорда неге жарықсыз қалды?

Қоғам • Бүгін, 06:42

Ұқсас жаңалықтар