Қазақстан • 14 Қазан, 2019

Токио-2020: Ұлттық құрама спортшыларының киім үлгісіне байқау жарияланды

45 реткөрсетілді

Қазақстан Республикасының Ұлттық Олимпиадалық комитеті 2020 жылы Токиода өтетін Жазғы Олимпиада ойындарына қатысатын ұлттық құрама спортшыларының киім үлгісіне ашық байқау жариялайды. Бұл туралы комитеттің баспасөз қызметі хабарлады. 

«Біз олимпиадашыларды әдемі формамен қамтамасыз етіп қана қоймай, талантты шеберлерді, суретшілер мен дизайнерлерді қолдап, заманауи спорттық киімдер шығаруда жаңа тенденцияларды қолдануына мүмкіндік беріп, еліміздегі олимпиадалық қозғалысқа назар аудартқымыз келеді», дейді Қазақстан ҰОК.

Байқауға өтінімдер 2019 жылдың 14 қазанынан 14 қарашасына  дейін қабылданады. Келіп түскен барлық жұмыстар Қазақстан ҰОК ресми сайты мен әлеуметті желідегі парақшаларында жарияланады.

Жеңімпазды жанкүйерлер пікірін ескере отырып, арнайы комиссия құрамы анықтайды. Оған Қазақстан ҰОК мен Қазақстан Республикасының Мәдениет және спорт министрлігінің өкілдері, спорт қайраткерлері мен ел намысын қорғап жүрген спортшылар кіреді. Қазақстан ұлттық құрамасының парадтық және спорттық киім үлгісі бойынша ең жақсы дизайн идеясының авторлары ақшалай сыйлықтарға ие болады.

Байқау нәтижесі 2019 жылдың 23 қарашасында Olympic.kz сайтына шығады. Ал ережелермен сілтеме арқылы танысуға болады. 

Еске сала кетейік, 2020 жылдың 24 шілде мен 9 тамыз күндері Жапония астанасы Токио қаласында XXXII жазғы Олимпиада ойындары өтеді. 

Соңғы жаңалықтар

Қарауылтөбеге табиғи газ жетті

Аймақтар • Бүгін, 07:56

Асыл мінездің үлгісі

100 • Бүгін, 07:53

Шымбұлақ шаңғы маусымын ашты

Қысқы спорт • Бүгін, 07:36

Атбасар

Руханият • Бүгін, 07:32

Азаматтық мәселелері талқыланды

Президент • Бүгін, 07:20

Органикалық өнімдер нарығы

Экономика • Бүгін, 07:14

Күлкі керуені № 16

Руханият • Кеше

Ұқсас жаңалықтар