Үкімет • 22 Қазан, 2019

АХҚО-мен ынтымақтастық орнатуды тапсырды

15 реткөрсетілді

Премьер-Министр Асқар Маминнің төрағалығымен «Астана» халықаралық қаржы орталығында Инвестициялар тарту жөніндегі үйлестіру кеңесінің отырысы өтті, деп хабарлады Премьер-Министрдің баспасөз қызметі.

Орталық және жергілікті атқарушы органдарды тыңдау қорытындылары және инвестициялар тарту жөніндегі жұмыстардың ұйымдастырылуы туралы Ұлттық экономика министрі Р.Дәленов, импортты алмас­тыру туралы «Атамекен» ҰКП төрағасы А.Мырзахметов, АХҚО-ның өңірлерде инвестициялар тарту мәселелері бойынша АХҚО басқарушысы Қ.Келімбетов баяндады.

Отырыста ұлттық экономиканың озық қарқын көрсетуін жалғастырып жатқаны аталып өтті. Биылғы 9 айдың нәтижелері бойынша өсу қарқыны 4,3%-ды құрады. Халықаралық валюта қоры Қазақстан экономикасының өсу болжамын 2019 жылы 3,2%-дан 3,8%-ға дейін, 2020 жылы 3,2%-дан 3,9%-ға дейін арттырды. Азия даму банкі де ел экономикасының өсуі бойынша 2019 жылы күтілетін нәтижелерді 3,5%-дан 3,7%-ға дейін көтерді. Мoody’s рейтингтік агенттігі еліміздің несиелік бағалануын тұрақтыдан позитивтіге арттырды. Дүниежүзілік экономикалық форумның Жаһандық бәсекеге қабілеттілік индексінде Қазақстанның позициясы 59-дан 55-орынға жақсарды.

Еуропа Қайта Құру және даму (ЕҚҚДБ) банкінің Қазақстандағы басшысы А.Прейманис және Қазақстандағы Азия даму банкі (АДБ) өкілдігінің директоры Дж. Капаннелли Қазақстанның экономикалық және инвестициялық саясатындағы оң қарқынды атап өтті.

Экономика өсімінің қазіргі қарқынын қолдау мен арттырудың аса маңызды шарттарының бірі инвестициялар тарту және экономиканың капитал сыйымдылығын арттыру. 2024 жылға қарай негізгі капиталға салынған инвестициялар деңгейін ІЖӨ 30%-ына дейін жеткізу көзделген. Бүгінде 2020-2024 жылдары 41 трлн-нан астам теңге инвестиция тартуға мүмкіндік беретін инвестициялық жобалар пулы құрылған. Инвестициялар өсімінің негізгі драйверлері базалық индустрияландыру, АӨК, көлік, туризм және сауда болады.

«Елбасы Нұрсұлтан Назарбаев пен Президент Қасым-Жомарт Тоқаевтың тапсырмаларына сәйкес, экономика дамуының озық қарқынын қамтамасыз ету үшін елімізге тікелей шетелдік инвестицияларды тарту жұмысын сапалы түрде күшейту қажет», деді А.Мамин.

Үкімет басшысы жұмыс істеп тұрған инвестициялық инфрақұрылымды жетілді­руді, еліміздің арнайы экономикалық және индустриялық аймақтарында инвесторлар үшін артықшылықтарды біріздендіруді, мемлекет-жекеменшік әріптестіктің дамуын жандандыруды, жоғары қосылған құны бар экспортқа бағытталған жобалардың үлесін арттыруды тапсырды.

«Инвестициялық жобаларды әзірлеу және дайындау мәселесіне неғұрлым сапалы қарау қажет. Бұл үшін консалтингтік компаниялардың және ЕҚҚДБ, ЕАДБ, ИДБ, АДБ тәрізді халықаралық қаржы институттарының және басқаларының әлеуетін елімізге көрсетілетін техникалық көмек аясында пайдалану қажет», деді А.Мамин.

Премьер-Министр өңірлердегі инвестициялық белсенділікті дамыту мақсатында АХҚО құқығымен және оның юрисдикциясын қолдану арқылы құрылымдалған жобаларды іске асыру бойынша мәселелерді пысықтауды тапсырды. 

«Өңірлерде әкімдердің инвестициялық жобалармен тікелей айналысатын орынбасарлары бар. АХҚО-ның қаржы нары­ғының қолда бар әлеуеті мен қолда­ныстағы құралдарын барынша пайдала­нудың маңызы зор. Үйлестіру кеңесінің отырысы өңірлердің АХҚО-мен ынтымақ­тас­тығының сапалы дамуына бас­тау болады деп сенемін», деді А.Мамин.

Үкімет басшысы орталық мемлекеттік органдарға, ұлттық компанияларға және әкімдіктерге инвестициялар тарту бойынша бекітілген нысаналы индикаторларға қол жеткізіп, алға қойылған міндеттерді орындауды қамтамасыз етуді тапсырды.

 

Соңғы жаңалықтар

Тапа тал түстегі қарақшылық

Аймақтар • Бүгін, 17:27

Арымас абырой

Руханият • Бүгін, 08:14

«Жыр мұра» жастарға жол ашты

Аймақтар • Бүгін, 08:04

Көнеден келген көнек

Руханият • Бүгін, 08:01

Қарауылтөбеге табиғи газ жетті

Аймақтар • Бүгін, 07:56

Асыл мінездің үлгісі

100 • Бүгін, 07:53

Шымбұлақ шаңғы маусымын ашты

Қысқы спорт • Бүгін, 07:36

Атбасар

Руханият • Бүгін, 07:32

Азаматтық мәселелері талқыланды

Президент • Бүгін, 07:20

Органикалық өнімдер нарығы

Экономика • Бүгін, 07:14

Ұқсас жаңалықтар