Медицина • 01 Қараша, 2019

Медициналық сақтандыру мемлекетке де, қызмет көрсетушілерге де, пациенттерге де тиімді

88 реткөрсетілді

Бүгінде елімізде 2020 жылдан бастап енгізілетін Міндетті әлеуметтік медициналық сақтандыру жүйесіне әзірлік жан-жақты жүргізілуде. Сақтандыру медицинасы азаматтың тапқан табысына, аударған жарна көлеміне қарамастан медициналық көмектің барлық түрін алуына мүмкіндік береді. Оның ішінде жоспарлы стационарлық көмек те, дәрі-дәрмекпен қамту да, жоғары мамандандырылған медициналық қызмет түрлері мен оңалту да, диагностикалық-консультациялық көмек те, медбике күтімі мен паллиативтік көмек те бар. Менің ойымша, бұл Қазақстанға тиімді және әділ үлгі.

МӘМС жүйесінде біздің ме­ди­циналық қызмет ақысыз медициналық қызметтерді ғана емес, сонымен қатар медициналық көмектің кең спектрін қамтитын екі толық пакетті – сақтандыру және кепілдендірілген тегін ме­дициналық көмекті ұсына алады. Сақтандыру мәртебесіне қара­мастан, адамдар учаскелік дәрігерлермен ақысыз байланыса алады және жедел медициналық көмек ала алады.

Жүрек-қан тамырлары аурулары, қоғам үшін қауіпті аурулар, АҚТҚ, туберкулез сияқ­ты амбулаториялық-эпи­де­­миологиялық негізде басқа­рылатын инфекциялық емес созылмалы аурулары бар, мысалы, қант диабеті, астма сияқты әлеуметтік мәні бар науқастарға медициналық көмектің толық спек­трі көрсетіледі. Ақысыз пакет халықтың көп бөлігін қам­тиды және қазіргі кезде бізде жо­ғары өлім мен мүгедектікке ду­шар ететін барлық ауруды ем­деуге кепілдік береді. Мұны адамгершілікке, пациентке бағытталған тәсіл деп санаймын және қазақстандық медициналық сақтандыру жүйесінің үлкен артықшылығы деп білемін.

Сақтандыру пакетіне амбу­лато­риялық-емханалық көмек, бастапқы медициналық-санитар­лық көмек маманының және бейінді мамандардың жолда­масы бойынша бастапқы ме­ди­циналық-санитарлық кө­мек, консультациялық-диагностика­лық­ көмек кеңестерінің кең спек­трі, дәрігердің рецепті бо­йынша амбулаториялық дәрі-дәр­мекпен қамтамасыз ету, жоспарлы ста­цио­нарлық көмек, жоғары тех­нологиялық медициналық қыз­меттерді қоса алғанда емдеу­ге жатқызу жоспарланған жағдай­лар, шұғыл көрсетімдер, стацио­нарды алмастыратын көмек, оңал­ту қызметтері кіреді.

Тұрғындар, біріншіден, мін­детті әлеуметтік медициналық сақтандыру арқылы таңдаған кез келген емханадан медициналық көмек ала алады; екіншіден, тегін медициналық көмектің кепіл­дендірілген көлемі және міндетті әлеуметтік медициналық сақтан­дыру пакеттері шеңберінде қа­рас­тырылған медициналық кө­мекке жұмсалатын қосымша төлем­дердің барлық түрінен боса­тылады; үшіншіден, сапасыз қызмет көрсетілген немесе мін­детті әлеуметтік медици­на­лық сақтандыруға қатысушы ре­тінде құқықтары бұзылған жағ­­дайда Қор сақтандырылған аза­мат­тардың құқықтары мен мүд­делерін қорғайды. Төртін­шіден, МӘМС жүйесін енгізу көрсетілетін медициналық кө­мек­тің сапасын жақсартуға мүм­кіндік береді.

«Sana Vita Clinic» ЖШС ме­ди­циналық мекемесі – әлеу­мет­тік сақтандыру қорының қыз­мет­терін жеткізушілердің бірі. Қазақ­­станның барлық өңірінде 15 қыркүйек пен 15 қараша ара­лығында тіркеу науқаны өт­кізілді. Қазір бұл мекемені таң­даған адамдар айтарлықтай көп. Атап айтқанда, клиника бойынша тіркеуде 11900 адам тұрса, соның ішінде биыл өз еркімен тір­кеуге тұрған адам саны – 2493, ересектер – 1078, 18 жасқа дейін­гі балалар саны – 1415 жанды құрады.

Менің аталған мекемеде ең­бек етке­німе 12 жылдан асты, көп­те­ген өзгерістер көрдік, қан­ша­ма жүйелермен жұмыс жаса­дық. Бүгінде біз кешенді меди­ци­налық ақпараттық жүйеге ауыс­тық. Бұл пациенттер туралы бар­лық деректердің, олардың диаг­ноздары мен тағайындалған дәрі-дәрмектер мен процедура­лары бірыңғай дерекқорда сақталатынын білдіреді. Осы ар­қылы МӘМС жүйесін енгізу оңайы­рақ болады деп ойлай­мын. Қазір медициналық қыз­мет­керлеріміз ТМКК және МӘМС қызметтерін көрсету мәсе­ле­лері бойынша ақпараттық-түсін­діру жұмыстарын тұрақты түр­де жүргізуде. Яғни МӘМС жүйе­сінде жұмыс істеуге дайынбыз десем болады. Өйткені МӘМС жүйесі енгізілген соң, медицинада көп өзгеріс болатынына сенімдімін. Жаңа жүйенің енгізі­луімен медициналық қызметтер нарығында ойын ережелері өзгеруі керек. Жүйедегі қатынас­тардың сипаты әртүрлі бола­ды: мемлекеттік және жеке кли­ни­калар клиенттер үшін меди­циналық қызметтерді сатып алу­­шымен салыстырмалы түрде тең дәрежеде бәсекелеседі, сонымен қатар олардың сапасын бақылайды. МӘМС жүйесін енгізудің пайдасын медицина қызметкерлері, медициналық ұйымдар, тұрғындар және мемлекет те көреді деп сенеміз.

 

Зәуре ХАРАШАЕВА,

Нұр-Сұлтан қаласындағы «Sana Vita Clinic» ЖШС жекеменшік клиникасы басшысының орынбасары

 

Соңғы жаңалықтар

Жүз жыл

100 • Кеше

Тапа тал түстегі қарақшылық

Аймақтар • 20 Қараша, 2019

Ұқсас жаңалықтар