Қоғам • 07 Қараша, 2019

Оңтайлы кітап орталығы

22 реткөрсетілді

Әр күніміз әлеуметтік желіге байлаулы заманда балалардың бойында кітап оқуға деген құштарлықты тудыру қиынның қиыны. Қазір бесіктен белі шыға сала сәбидің қолына ұялы телефонды бере салуды әдетке айналдырғанымызды несіне жасырайық. Жас аналар үйдің тірлігімен айналысып, баланы алдансын деп қолына гаджетті де қыстыра салады.

Міне, осындай гаджеттер мен соткаларға «соғысты» қалай бастауға болады? Баланың кітап оқытуға деген қызығушылығын қалай оятуға болады? Мұның бір әдісін елордалық Мәдина Жұманқызы тапқан тәрізді.

Мәдина бала кезінен кітапты сүйіп оқиды. Кітапқұмар әкесі осы әдетті қызының бойына да сіңірген. Ол жүрген жерлерінде әрдайым кітап қолтықтап жүреді.

Биыл ол достарымен бірлесіп Zhasproject жобасының аясында «Booktime» деп аталатын жаңа істі бастады. Бала күті­мі­мен үйде отырған ол өзі сияқ­ты Әсем, Дина есімді жас ана­лардың, Павел, Рамазан деген замандастарының басын қосып, балаларға пайдалы іс бастады. Елордамыздың «Жағалау» шағын ауданында орналасқан орталыққа осы төңіректегі көп балалы отбасылардың балалары келіп кітап оқып, бос уа­қыттарын тиімді өткізеді.

Zhasproject жобасының шарты бойынша бұл орталыққа келіп, тегін кітап оқып, балалардың бос уақытын білім алуға жұмсауға әркімнің-ақ мүмкіндігі бар. Бас­тапқыда шағын аудан тұр­ғындары тегін дегенге сенбей, бұл не қылған орталық деп түсінбепті. Мәдина бастаған белсенді топ халыққа түсіндіру жұмыстарын жүргізгеннен кейін ғана орталықтан адам аяғы арылмайтын болды. Жобаның тағы бір ерекшелігі, мұнда тілі мүкіс балаларға арнайы логопед аптасына бір рет келіп, көмек көрсетеді.

Күн сайын ата-аналар Мә­дина мен оның достарына алғыс айтып жатады. Әсіресе көп балалы және мұқтаж отбасынан шыққан балалардың ата-аналары үшін бұл орталықтың берері мол. Балалардың уақыты пайдалы өтіп жатқанына олар да қуанышты. Бұл әзірге қаладағы осындай қызмет көрсететін жал­ғыз жоба. Білім және ғылым министрлігі мен Әлемдік банктің қолдауымен іске асырылып жатыр.

«Арманда.Ұсын. Іске асыр» деген ұранмен жұмысын бас­таған Zhasproject жобасы қо­ғамға пайда тигізуді басты мақ­сат ретінде ұстанады. Үш жыл ішінде 10 мыңға жуық қазақ­стандық жас өздерінің осыған ұқсас 3000-ға тарта әлеуметтік жобасын жасап, халықтың игілігіне жұмыс істеді.

 

Айзере САМАРҚАН

 

Соңғы жаңалықтар

Ең қысқа әңгіме. Олжас Сәндібек

Ең қысқа әңгіме • Бүгін, 17:13

Ең қысқа әңгіме. Талғат Ешенұлы

Ең қысқа әңгіме • Бүгін, 17:09

Ең қысқа әңгіме. Нұрдәулет Қабасов

Ең қысқа әңгіме • Бүгін, 17:08

Ең қысқа әңгіме. Ғанибет Ғалымбекұлы

Ең қысқа әңгіме • Бүгін, 17:02

Ең қысқа әңгіме. Ермек Бегзада

Ең қысқа әңгіме • Бүгін, 16:56

Ең қысқа әңгіме. Нұрназар Түрікбен

Ең қысқа әңгіме • Бүгін, 16:41

Күлкі керуені № 15

Руханият • Бүгін, 09:53

Кішкене оқырмандарға естелік

Руханият • Бүгін, 07:26

Мәлік өнегесі – мәңгілік

Аймақтар • Бүгін, 07:21

Ойқала оғланы

Аймақтар • Бүгін, 07:18

Әлем кубогы кімге бұйырады?

Күрес • Бүгін, 07:10

Сан-Марино да гол салды

Футбол • Бүгін, 07:07

Сортаң жер шаруашылық соры

Экология • Бүгін, 06:57

Қаратау неге қаһарлы?

Қоғам • Бүгін, 06:32

Ұқсас жаңалықтар