Әлем мойындаған қазақстандық даму моделі

Осы жолы мен жаңа мем­лекетті аяғынан нық тұрғызып, 30 жылдай уақыт бойы елін өсіп-өркендеуге бастап келген Ұлт көшбасшысы туралы сөз қозғамақпын. Ол – Қазақ­станның Тұңғыш Президенті Нұрсұлтан Назарбаев.

Қазақ елі Елбасы деп ұлық­тай­тын Нұрсұлтан Назар­баев­тың тұлғасы Қазақстанның тәуелсіздік алған кезінен бас­тап кәсіби мемлекеттік аппаратты нығайту, құқықтық мем­лекет құру, индустриялан­дыру, тұрақты және болжамды экономикалық өсу, ұлт бір­лігін нығайту сияқты даму кезеңдерімен сараланады. Ол 1991 жылдың 1 желтоқсанында алғашқы бүкілхалықтық сай­лау­да Қазақстан Президенті болып сайланды.

Нұрсұлтан Назарбаевтың ел басқарған тұсы бір елдің тұтас бір дәуірі ретінде тарихқа енді. Ол жауапты сәттерде қажыр-қайратын көрсетіп, өз хал­қы­ның жарқын болашағы үшін бар күш-жігерін, білік-тәжі­рибесін салды. Ұлттық рух­ты оятып, Қазақстанның мем­ле­кеттілігін нығайту миссия­сы қазіргі әлемдік саясат ал­пауыттарының бірі Нұр­сұлтан Назарбаевтың иығына артыл­ды. Қазақтар оған тәуел­сіздік жыл­дарынан бастап жаңа ел­дің даму бағдарын айқын­дап, іргесін бекітуде зор сенім біл­дірді. Уақыт тезі бұл тарихи, тағ­дырлы таңдаудың дұрыс бол­ғанын көрсетіп берді.

Егемендіктің негізін қалап, тиімді экономика құруда, тату-тәтті тірлік кешкен халықтың ын­тымағын күшейтуде Елба­сының жүргізген салиқалы сая­саты, қабылдаған ұтымды шешімдері, көтерген бірегей бастамалары оны нағыз Ұлт көшбасшысы ретінде таныта түсті. Ол тізгінін ұстаған ел­дің әлеуеті артып, қоғамның жар­қын болашаққа сенімді қадам жасауын бүкіл әлем қазақ­стан­дық барыстың серпілісі деп бағалады. Нұрсұлтан Назар­баев­тың нақты жобалары, бүкіл жүйенің тұрақтылығын қолдауы, стратегиялық жос­парлауы және даму кезеңін айқындаған прагматикалық тәсілі мемлекетті қалыптастыру жолы табысты нәтижелерге қол жеткізуге мүмкіндік берді.

Осы уақыт аралығында Қа­зақ­стан экономикасы ең жылдам дамып келе жатқан елдердің бірі ретінде ерекшеленді. Тұң­ғыш Президенттің сүбелі үле­сі­нің және халықтың қуат­ты қолдауының арқасында Қа­зақ­станның даму моделі әлем­де кеңінен тарала бастады. Бұл модель эволюциясын те­рең­нен тартатын мемлекеттің біртіндеп және сенімді дамуын білдіреді.

Мен Қазақстанда 2019 жыл­дың 9 маусымында демокра­тия­лық сайлау кезінде болдым. Сол кезде мен сайлау учас­­кесінде жоғары мәртебелі Нұр­­сұлтан Назарбаевты қарсы алып, қолын алдым. Мен ха­лықаралық бақылаушы ретінде сайл­ау процесіне қатыстым жә­не бұл саяси науқанның әділ өт­кенін сенімді түрде айта аламын.

 

Флорентин СКАЛЕЦКИ,

журналист, Румыниядағы Адам құқықтарын қорғау жөніндегі ұйымның президенті

 

AMOS News газеті