Қазақстан • 12 Желтоқсан, 2019

Елордада ÁMEN анимациялық кинофестивалінің тұсаукесері өтті

48 рет көрсетілді

Нұр-Сұлтан қаласы бойынша «Рухани жаңғыру» жобалық кеңсесінің қолдауымен және Қазақстан анимациялық киностудиялар қауымдастығының ұйымдастыруымен ÁMEN анимациялық кинофестивалінің тұсаукесері өткізілді. Бұл туралы Нұр-Сұлтан қаласы әкімдігінің баспасөз қызметі хабарлады.

Ұлттық анимация саласына өлшеусіз үлес қосқан  режиссер-аниматор Әмен Қайдаровтың атымен аталған  шараның қызыл лентасын қию шарасына  Нұр-Сұлтан қаласы бойынша «Рухани жаңғыру» жобалық кеңсесінің директоры Нұрпейісов Үкібай, «OzgeEpic» заманауи өнер кеңістігінің жетекшісі Мақпал Жұмабай, анимация майталмандары Эрнст Бейсеитов, Галина Дусенко, Тамара Муханова қатысты.

Кинофестивальдің мақсаты – қазақ анимациясының дамуына ықпал ету және жас дарындарға қолдау көрсету болды. Шара аясында анимациялық киностудиялардың көрмесі  қалың көпшілікке таныстырылды.

Ámen Animation film festival қоржынына 80-нен астам өтінім келіп түсіп, байқауға 51 жұмыс іріктеліп алынғанын айта кеткен жөн.

Шараға «Dala animation», «САҚ» киностудиясы, «Ara studio», «Anyz film», «Rio animation»,  «Qazart»,  «Astana film», «Glen» анимациялық академиясы және «Qgoo» графикалық оқыту орталығы  қатысты. Шара барысында сондай-ақ  белгілі тақырыптар бойынша комикстер байқауы да өткізілді.

Үміткерлер «Үздік кәсіби анимациялық фильм», «Үздік режиссерлік жұмыс», «Үздік сценарий», «Үздік қоюшы суретші», «Үздік студенттік жұмыс», «Үздік мультхикая», «Әділқазылар жүлдесі», «Көрермен көзайымы», «Үздік комикс» номинациялары бойынша марапатталды.


Соңғы жаңалықтар

COVID-19: Антидене өмірлік емес

Коронавирус • Бүгін, 14:20

Өмір үшін қиылған өмір

Қоғам • Бүгін, 12:31

Ұқсас жаңалықтар