Саясат • 16 Қаңтар, 2020

Есірткіні жарнамалайтындар жазасыз қалмайды

16 реткөрсетілді

Биылғы 11 қаңтардан бастап есірткіні насихаттайтын және сататын интернет-сайттардың сілтемелерін таратуға байланысты қылмыстық заңнамаға енгізілген өзгерістер күшіне енді.

Қылмыстық кодекске есірт­кіні насихаттау немесе жарнамалау үшін қылмыстық жауап­кершілік белгілейтін жаңа 299-1-бап енгізілді. Ол бойынша үш жылға дейін бас бостандығынан айыру түріндегі жаза көзделген.

Егер осы қылмыс топпен, бірнеше рет, білім ұйымдарында немесе адам көп жиналатын орындарда, бұқаралық ақпарат құралдарын немесе электронды ақпарат ресурстарының қыз­меттік жағдайын пайдаланып жасалса, 3 жылдан 6 жылға дейін бас бостандығынан айыру тү­ріндегі жаза белгіленеді.

Бұдан басқа бірқатар қылмыс­тық бапқа «электронды ақпа­раттық ресурстарды пайдалану арқылы» деген жаңа саралау белгісі енгізілді.

«Бұл шаралар есірткіні тарату­дың жаңа әдістері үшін жазаның болмай қоймайтындығын қамта­масыз ету үшін қажет. Бұл деге­німіз Интернет технологиялар­ды – сайттарды және электрон­ды әлеуметтік желілерді Инс­таграм, Телеграм, Фейс­бук, сондай-ақ электронды тө­лем жүйе­лерін (Киви әмиян, Ян­декс деньги және т.б.) пайдалану», деп түсіндірді Есірткі қыл­мысына қарсы іс-қимыл депар­таменті бастығының орынбасары Нұртай Әбілмәжінов.

Аталған қылмыстар ауыр жә­не аса ауыр қылмыстар санаты­на жатқызылған. Электронды ақ­­параттық ресурстарды пайдалану арқылы есірткі өткізу 10­ жыл­дан 15 жылға дейін бас бос­­­тандығынан айырумен жазала­нады. Электронды ресурс­тар ар­қылы есірткі қолдануға көн­ді­ру 3 жылдан 8 жылға дейін бас бостандығынан айыруға әке­­­леді. Олардың көмегімен есірт­­­кі өндірісінде пайдаланы­ла­тын заттардың айналымы үшін 7­ жылдан 10 жылға дейін бас бос­тандығынан айыруды көз­­дей­ді.

Есірткі өндірісінде пайдала­нылатын заттардың айналымымен байланысты бұрыннан бар қылмыстар үшін де жаза күшейтілді.

 

Соңғы жаңалықтар

Шымкентте Алғыс айту күні аталып өтті

Оңтүстік Қазақстан • Кеше

Ұқсас жаңалықтар