Президент • 17 Қаңтар, 2020

Мемлекет басшысы Роза Мұқанова мен Ақан Бижановты қабылдады

307 рет көрсетілді

Ақорданың баспасөз қызметі Мемлекет басшысы бірқатар кездесу өткізді деп хабарлады.

Қасым-Жомарт Тоқаев «Ақорда» резиденциясында жазушы-драматург Роза Мұқанова мен Философия, саясаттану және дінтану институтының директоры Ақан Бижановты қабылдады. 

Роза Мұқанова Мемлекет басшысына Қазақ ұлттық өнер университетінің жас мамандарды даярлау бағытында атқарып жатқан жұмыстары жайында айтты.

Әңгімелесу барысында отандық драматургия мен театр өнерін дамытудың өзекті мәселелері талқыланды.

Ақан Бижанов Президентке Философия, саясаттану және дінтану институтының жұмысы туралы баяндап, Қазақстан ғылымының, идеологиясы мен мәдениетінің қазіргі ахуалы мен даму перспективалары жөніндегі ой-пікірімен бөлісті.

Сонымен қатар кездесу кезінде әл-Фарабидің 1150 және Абайдың 175 жылдық мерейтойларын өткізуге дайындық мәселелері сөз болды.

Қасым-Жомарт Тоқаев Қазақстанды әлеуметтік-саяси жаңғырту, сондай-ақ, өскелең ұрпақтың бойында ұлттық құндылықтарды қалыптастыру барысында әл-Фараби мен Абайдың ғылыми және рухани мұраларын негізге алудың маңызды екенін атап өтті. 

Соңғы жаңалықтар

Тағы бір әкім қызметінен кетті

Аймақтар • Бүгін, 18:06

Мэннидің тағы бір мәрттігі

Кәсіпқой бокс • Бүгін, 16:32

33 млн теңге айыппұл салынды

Қоғам • Бүгін, 08:39

Балаларға базарлық көбейді

Аймақтар • Бүгін, 08:38

Ұқсас жаңалықтар