Қазақстан • 19 Қаңтар, 2020

2019 жыл: Еңбек инспекторлары 41 мыңнан астам жұмыскердің құқығын қорғады

39 реткөрсетілді

2019 жылы мемлекеттік еңбек инспекторлары республиканың 1 771 кәсіпорнында 43,3 мың жұмыскер алдында жалақы бойынша 6,1 млрд теңгеден астам берешегі бар екенін анықтады. Бұл туралы Еңбек және халықты әлеуметтік қорғау министрлігінің баспасөз қызметі хабарлады.

Қолданылған шаралардың нәтижесінде, сонымен қатар жалақы бойынша қарызды өтеудің мерзімі мен кестесін қатаң белгілеу арқылы 41 мыңнан астам жұмыскердің құқығы қорғалып, нәтижесінде оларға 5,4 млрд теңге төленді.    

Аталған кәсіпорындардың жетекшілеріне орындалуға міндетті 1 285 нұсқама беріліп, 141 млн теңгеден астам сомаға айыппұл салынды.   

Жалпы 2019 жылы мемлекеттік еңбек инспекторлары 9 513 тексеру жүргізді, 12,9 мыңнан астам Еңбек заңнамасын бұзу фактілері анықталып, 467 млн теңге сомаға айыппұл салынды.    

Соңғы жаңалықтар

Ұқсас жаңалықтар