Кездесу барысында Р.Есбулатова инвестициялық мәселелерге тоқтала келе, Елшілік қазақстандық серіктестермен қарым-қатынасты орнатуда қол ұшын беруге дайын екендігін жеткезе отырып, инвестициялық жобаларды іске асыруда шетелдік қатысушылар үшін ҚР Үкіметі тарапынан қабылданған шаралар мен жасалып отырған жағдайлар айтып өтті.
Ауыл шаруашылығы, азық-түлік және жеңіл өнеркәсіп саласындағы арнайы экономикалық және индустриалды аймақтар аясындағы мүмкіндіктер таныстырылды.
Сонымен қатар Ғаламдық қатынастар бөлімінің директоры және менеджері П.Пхорнпхибун мен Р.Киттачароенчай, сондай-ақ Халықаралық бизнесті дамыту жөніндегі аға менеджер С.Анучатибуд секілді таиландтық брендтің жетекшілері, Қазақстан нарығын жан-жақты зерттей отырып, қазақстандық әлеуетті серіктестермен кездесу үшін Қазақстанға бизнес миссиямен келуге шақырылды. Тараптар бұл болашақта жасалуы мүмкін коммерциялық өзара іс-қимылдың алғашқы қадамы екеніне сенім білдірді.
