Өнер • 12 Наурыз, 2020

«Астана Балеттің» Атырауға тартуы

14 реткөрсетілді

Қар көбесі сөгілген көктемнің шуақты күндері Атырауда «Астана Балеттің» гастрольдік сапары басталмақ. Бұл ұжым тұңғыш рет Махамбет Өтемісұлы атындағы облыстық драма театрының сахнасында өнер көрсетеді.

Ұлы Абайдың 175 жыл­дығына орайластырылған гастрольдік сапар аясында, яғни, наурыздың 12-13-і күн­­дері атыраулық тұр­ғын­дар мен қонақтар таны­мал ұжымның өнерін тама­ша­лауға мүмкіндік алады.

Театр ұжымы Джордж Ба­лан­чиннің бір актілі «Се­ренада» балеті мен «Ұлы дала мұрасы» дивертис­менті енген таңдаулы бағ­дар­­ламасын тарту етпекші.

ХХ ғасыр балетінің ал­тын қорына енген «Серенада» – америкалық хореограф Джордж Балан­чин­нің айтулы туындысы. 2017 жылы «Астана Балет» театрының сах­насында премьерасы өткен бұл ту­ын­дыны көрермен зор ықы­­­ласпен қабылдап әрі мә­дени сарапшылар тара­пы­нан құбылыс ретінде ба­ғаланған еді. Себебі күллі Орталық Азия аумағында Джордж Баланчин қорымен ын­тымақта, хореографтың стилі мен техникасының стан­дарт­тарын толық сақ­тай отырып қойылған ал­ғашқы балет болатын. «Се­ренаданы» қазақ сахнасында қойған Виктория Сай­мон – америкалық хо­рео­графтың төл шәкірті. Бұған дейін Саймон әлем­нің түрлі елінде Балан­чин­нің отыз шақты спек­таклін сахналаған.

Концерттің екінші бөлі­мінде қазақ мәдениетінің қыр-сырын әйгілейтін «Ұлы дала мұрасы» бағдар­ла­масы көр­сетілмек. Қазақ­станның еңбек сіңірген қай­раткерлері Айгүл Тәти мен Мукарам Авахридің хореографиялық миниатюрасы көшпелі халықтың таным көкжиегін айғақтайды. Осы бағдарламаға енген барлық ми­ниатюралар қа­зіргі қазақ хореография­сын тануға мүм­кіндік береді. Мұнда этнография эле­менттері, би дәстүрі мен за­манауи хореографиялық ше­шімдер үйлесім тапқан.

Айта кетейік, наурыз­дың 25-26-сы күндері «Ас­тана Ба­лет» ұжымы осы бағдар­ламамен Семейдегі Абай атын­дағы театрда өнер көрсет­пек.

2

 

 

Соңғы жаңалықтар

Ғасыр зұлматы

Қоғам • Бүгін, 22:15

Жазушылықтан мақтанға дейін

Әдебиет • Бүгін, 17:40

Құрдым (төрттаған)

Әдебиет • Бүгін, 17:20

Цифрландыру барысын пысықтады

Қазақстан • Бүгін, 16:29

Жаңа форматтағы жыр кеші

Руханият • Бүгін, 16:25

Өткен жылы 59,8 мың жұп ажырасқан

Қазақстан • Бүгін, 16:12

Түн тыныштығын бұзатындар көп

Аймақтар • Бүгін, 14:28

Қырылмасақ, 40 миллион болар едік

Қазақстан • Бүгін, 14:05

Жүрекке салған жаралар өшпейді

Руханият • Бүгін, 12:58

Ұқсас жаңалықтар