Елордалық отбасылар кезекті азық-түлік себеттерін алды. Бұл жолы «Air Astana» әуе компаниясының демеушілігімен, макарон, ұн, тауық еті, көкөніс пен басқа да қажетті азық-түліктер жеткізілді. Барлығы 30 отбасы көмек алды.
«Қатарымызда көптеген ерікті бар. Қала бойынша 150-ден астам. Бүгін 15 адам бастамаға үн қосып, азық-түлік таратуға жәрдемдесті. Сондай-ақ, бізге автоволонтерлер де көмектеседі. Көптеген жүргізушілер, мейірімді, қайырымды адамдар ерікті түрде өз есебінен азық-түлік себеттерін тасымалдайды», – дейді ерікті Лаура Тогулбаева.
Айта кетейік, «Біз біргеміз» акциясы елорда әкімдігінің қолдауымен өтуде. Осы аптада кәсіпкерлер, заңгерлер мен полицейлер мұқтаж отбасыларға ондаған азық-түлік себетін тарту етті.
