«Жалпы бір реттік ыстық тамақпен қамтылатын адамдардың санатына мүмкіндігі шектеулі жандар, зейнетақысы төмен зейнеткерлер және жағдайы төмен жалғызілікті қарттар еніп отыр. 100 адамды біз арнайы іріктеп алдық. Карантин уақыты біткенше аталған тұрғындар түс мезгілінде бірінші және екінші ас мәзірлік тамақпен қамтылады. Сондай-ақ, оларға сусындар мен өзге де қажетті заттар жеткізіледі. Мүмкіндігі шектеулі және жалғызбасты жандардың үйлеріне тамақтарын жеткізіп беру үшін 10 тараздық ерікті жас ниет білдірді. Осылайша біз қиын кезеңде мұқтаж жандарды назардан тыс қалдырмай, демеушілер есебінен қайырымдылық көрсетудеміз», дейді Тараз қалалық ішкі саясат бөлімінің басшысы Ұлана Сламбекова.
Жалпы, Тараз қалалық әкімдігі карантин кезеңінде тұрғындарды азық-түлікпен қамтуда да бірқатар жұмыстар атқарып келеді. Мәселен, қаладағы екі бірдей тұрғын үйдің кіреберісі карантинге жабылғанда да әкімдік тарапынан тұрғындарға тиісті көмек көрсетіліп келген болатын. Бұл бастама қазіргі кезде де жалғасын табуда.
Жамбыл облысы
