Еске сала кетейік, COVID-19 бойынша telegram-bot Нұр-Сұлтан және Алматы қалаларында, сонымен қатар басқа да облыстарда төтенше жағдай режімі енгізілер алдында ғана Денсаулық сақтау министрлігінің Операциялық штабы, сондай-ақ қатысы бар өзге де құрылымдардың қызметкерлерін сараптауға негізделген жедел, тексерілген коммуникацияны орнату мақсатында іске қосылған болатын.
Күн сайын артып келе жатқан жазылушылардың саны (25 000+), сондай-ақ пайдаланушылар қойған сұрақтар құрылымының кең ауқымы жаңа байланыс арнасының функционалын масштабтау қажеттілігін көрсетті. Жүргізілген техникалық реновациядан кейін bot коронавирус туралы деректер базасынан өзіне белгілі сұрақтарға жауап беруді үйренді. Егер бұрын 100-ден астам өзекті сұрақтың ішінен пайдаланушыға бөлімге кіріп, қажетті сұрақты іздеуге тура келсе, қазір мәтінді теру жеткілікті, ал бот оған жауап береді. Осыған байланысты ақпарат алу жылдамдығы бірнеше есеге артты. Егер bot жауапты білмеген жағдайда, ол пайдаланушыны операторға қосады. Жасанды интеллект мүмкіндіктерімен нығайтылып жаңартылған bot жұмысының бірегейлігі – ол пайдаланушылармен диалог барысында жетілдіріліп, ақылды бола түседі. Бұл жүйеге нақты және айқын жауаптар беруге мүмкіндік береді, ол пайдаланушының сұранысына сәйкес келеді. Айта кету керек, әр ашылған сайын бот ыңғайлы бола түседі, оны жаңа құзыреттермен қамтамасыз ете отырып, қайта оқып шығуға және бағыттауға болады.
Қоғамдық денсаулық сақтау ұлттық орталығының директоры Дамир Көбжасаров пандемия және карантин аяқталады, ал bot ел азаматтарына септігін тигізе алатын мәселелер әлі де біраз уақыт сақталады деп есептейді. Коммуникацияның қарқынды және ыңғайлы арнасы – бұл Денсаулық сақтау министрлігі жұмысының өзекті мәселелері бойынша құзыретті кері байланысты дамытуға және қамтамасыз етуге қабілетті ұзақ мерзімді құралдарға салу.
