Белгілі ғалым Мұфтах Диаровтың еңбегі де, азаматтық болмысы да осылай деуге әбден лайық
Жасы ұлғайса да қарттыққа бой алдырмағандар қатарындағы Мұфтах Диаровты білмейтіндер кемде-кем. Ғалымның жер астындағы қазба байлықтардың молдығы туралы білімдарлығы, әсіресе, мұнай кеніштері жөнінде пікірін білдіргенде бар деректі қағазға қарамай-ақ жатқа соғатыны баршаны таңғалдырады. Әр кен орнының өзіндік ерекшелігін, маңызы мен келешегін дәл Мұфтах Диаровтай жетік білетіндер соншалықты көп бола қоймас. Соған орай көпшілік оны туған жерінің тамыршысы деп атайды.
Белгілі ғалым Мұфтах Диаровтың еңбегі де, азаматтық болмысы да осылай деуге әбден лайық
Жасы ұлғайса да қарттыққа бой алдырмағандар қатарындағы Мұфтах Диаровты білмейтіндер кемде-кем. Ғалымның жер астындағы қазба байлықтардың молдығы туралы білімдарлығы, әсіресе, мұнай кеніштері жөнінде пікірін білдіргенде бар деректі қағазға қарамай-ақ жатқа соғатыны баршаны таңғалдырады. Әр кен орнының өзіндік ерекшелігін, маңызы мен келешегін дәл Мұфтах Диаровтай жетік білетіндер соншалықты көп бола қоймас. Соған орай көпшілік оны туған жерінің тамыршысы деп атайды.
Еңбастыжетістіктіңбірі – Индердегі №99, 100, 102 жәнеСәтимолаүлкенкенорындарыныңашылуы. Табиғи қорының молдығымен көпшіліктің назарын аударған осы кен орындарын ашуға Мұфтах Диарұлы көп еңбек сіңірді. Ол еңбектен қол үзбей, докторлық диссертациясын қорғады, 170-ге жуық ғылыми еңбек жазды. Мұның сыртында 8 монографиясы мен 5 өнертапқыштық жұмысы және бар. Кейін Ұлттық ғылым академиясының академигі, Минералды ресурстар академиясының академигі атанды.
Бұл күнде оның есімі тек Қазақстанға ғана емес, ТМД елдеріне, тіпті шетмемлекеттерге кеңінен танымал дей аламыз. Мұны өзі де біледі, бірақ біреуге айтып, мақтанғысы жоқ. Жасы 80-ге келсе де әлі күнге елдің ғылыми әлеуетін көтеруді ойлайды. Қазір ғалым өзі ашқан кен орнының бірі – Сәтимоланы игеруде бай тәжірибесімен бөлісіп, «Сатбор» компаниясында жұмысын жалғастырып келеді. Өйткені, Сәтимоланың қорын, оны игерудің жолдарын Мұфтах Диаров өте жақсы біледі. Ғалым «Сатбор» компаниясының бас директоры Талғат Қасенов және компания басшысының геология жөніндегі кеңесшісі Қасан Қамашевпен бірге 2012 жылы «Горно-химическое сырьё месторождения Сатимола. Бораты. Калийные соли» атты ғылыми тұжырымдамаларға бай кітап жазды.
Сәтимола кен орны – құрамында калий және бор кездесетін тұздардың ірі минералды-шикізат базасы. Осынау ірі кен орнын игеру үшін 2001 жылы шетелдік инвестордың қатысуымен «Сатбор» тау-кен өңдеуші кәсіпорны құрылды («Сатбор» ШҚ ЖШС). 2004 жылы 19 сәуірде № 1391 ҚР Үкіметімен жер қойнауын пайдалануға келісімшарт жасалды.
Аталған компанияның қызметі әлемдік стандартқа сай минералды калий тыңайтқышын шығаруды көздейді. Ал бұл Қазақстанның әлемдік нарықта минералды тыңайтқышты ең негізгі, ең маңызды өндіруші, сондай-ақ, ең маңызды экспорттаушы болуына мүмкіндік береді. Міне, ел игілігі жолындағы осынау маңызды жобаның абыройлы іске асырылуында Мұфтах Диаровтың да лайықты үлесі бар.
Иә, туған жердің тамыршысына айналған Мұфтах Диаровтай отаншыл адам ғана ел үшін еңбек етуден ешқашан жалықпайды.
Жолдасбек ШӨПЕҒҰЛ,
«Егемен Қазақстан».
____________________
Құттықтаймыз!
Академик, геология-минералогия ғылымдарының докторы Мұфтах Диаровты 80 жасқа толуымен құттықтаймыз.
Сізді саналы өмірінің 60 жылдан астам мерзімін туған жердің табиғи қазынасын ашуға, отандық ғылымның дамуына арнаған ғалым, білікті ұстаз, ақылшы аға ретінде танимыз. Өзіңіздің тәлімді тәрбиеңіз бен дәрісіңізді алған шәкірттеріңіз бен ұзақ жылғы ғылыми ізденісіңіздің нәтижесінде ашылған кен орындары ел экономикасының өркендеуіне қызмет етіп келеді.
Біз сізді бүгінгі 80 жасқа толуыңызбен шын жүректен құттықтап, мықты денсаулық пен отбасы бақытын тілейміз.
«Сатбор» ШҚ ЖШС-нің және
Satimola Limited компаниясының ұжымдары.
