Президент төтенше жағдай мәселелері бойынша өзгерістер енгізілген заңға қол қойды

ҚАЗАҚСТАН РЕСПУБЛИКАСЫНЫҢ ЗАҢЫ

Қазақстан Республикасының кейбір заңнамалық актілеріне төтенше жағдай мәселелері бойынша өзгерістер мен толықтырулар енгізу туралы

1-бап. Қазақстан Респуб­ли­ка­сының мына заңнамалық акті­леріне өзгерістер мен толық­тырулар енгізілсін:

1. «Төтенше жағдай туралы» 2003 жылғы 8 ақпандағы Қазақстан Республикасының Заңына (Қазақстан Республикасы Парламентiнiң Жаршысы, 2003 ж., №3, 18-құжат; 2006 ж., №2, 14-құ­жат; 2007 ж., №9, 67-құжат; 2008 ж., №6-7, 27-құжат; 2009 ж., №8, 44-құжат; 2010 ж., №7, 32-құжат; 2011 ж., №5, 43-құжат; 2013 ж., №14, 72-құжат; 2014 ж., №7, 37-құжат; 2015 ж., №1, 2-құжат; 2017 ж., №11, 29-құжат; 2018 ж., №24, 93-құжат; 2019 ж., №5-6, 27-құжат):

1) 4-тараудың тақырыбы мынадай редакцияда жазылсын:

«4-тарау. Төтенше жағдай ке­зінде және осыған байланыс­ты туындаған әлеуметтік-эконо­ми­калық саладағы дағдарыс жағ­дайында қолданылатын шаралар мен уақытша шектеулер»;

2) 15-бапта:

бірінші абзац мынадай редакцияда жазылсын:

«1. Төтенше жағдай енгiзiлген кезде оның қолданылу кезеңiнде мынадай негiзгi шаралар мен уақытша шектеулер:»;

мынадай мазмұндағы 2-тар­мақпен толықты­рыл­сын:

«2. Төтенше жағдай енгізілген кезеңде және осыған байланысты туындаған әлеуметтік-экономикалық саладағы дағдарыс жағдайында елдің экономикалық қауіпсіздігін қамтамасыз ету үшін Қазақстан Республикасы Пре­зи­дентінің актілеріне сәйкес салық, бюджет, кеден, банк, еңбек заң­намасының, монополияға қар­сы заңнаманың, халық денсау­лығы мен денсаулық сақтау жүйе­сі, мемлекеттік сатып алу, ва­люталық реттеу туралы, аза­мат­тарды әлеуметтік қорғау, мем­лекеттік мүлік салаларын­дағы, бәсекелестікті қорғау, мемле­кет­тік бақылау және қадағалау, елдің халықаралық міндеттемелерін іс­ке асыру мәселелері жөніндегі заң­на­маның қолданылу ерекшеліктері белгіленуі мүмкін.»;

3) 21-бап мынадай редакцияда жазылсын:

«21-бап. Төтенше жағдайдың қолданылуын тоқтатудың  құқықтық салдарлары

1. Төтенше жағдай режимін қамтамасыз ету мақ­сатында қабылданған және жеке тұлғалардың құқықтары мен бостандықтарын, сондай-ақ заңды тұлғалардың құқықтарын уақытша шектеуге байланысты нормативтік құқықтық актілер төтенше жағдай енгізілген мерзім ішінде ғана қолданылады және осы Заңның 15-бабының 2-тармағына сәйкес қабылданған актілерді қоспағанда, төтенше жағдайдың қолданылуының тоқтатылуымен бiр мезгiлде бұл туралы арнайы хабардар етілмей күшiн жояды.

Осы Заңның 15-бабының 2-тармағына сәйкес қабылданған құқықтық актілердің ережелері, егер Қазақстан Республикасының Президентімен немесе оның тапсырмасы бойынша Қазақстан Республикасы Президентінің Әкімшілігімен келісу бойынша актілердің өзінде өзгеше қолданылу мерзімі белгіленбесе, төтенше жағдайдың қолданылу мерзімі аяқталғанға дейін қолданылады.

2. Төтенше жағдайдың қолданылуын тоқтату төтенше жағдай режимiн бұзу туралы iстер бойынша әкiмшiлiк iс жүргiзудiң тоқтатылуына алып келеді.».

3. «Құқықтық актілер туралы» 2016 жылғы 6 сәуірдегі Қазақстан Республикасының Заңына (Қазақстан Республикасы Парламентiнiң Жаршысы, 2016 ж., №7-I, 46-құжат; 2017 ж., №14, 51-құжат; №16, 56-құжат; 2018 ж., №10, 32-құжат; №14, 44-құжат; №16, 53, 55-құжаттар; №19, 62-құжат; 2019 ж., №2, 6-құжат; №15-16, 67-құжат; №21-22, 90, 91-құжаттар):

46-баптың 1-тармағы:

«тоқтата тұру» деген сөздерден кейін «, осы тармақтың екінші бөлігінде көзделген жағдайларды қоспағанда,» деген сөздермен толықтырылсын;

мынадай мазмұндағы екінші бөлікпен толықтырылсын:

«Нормативтік құқықтық актінің немесе оның жекелеген нормаларының қолданысы «Төтенше жағдай туралы» Қазақстан Республикасы Заңының 15-бабының 2-тармағында көзделген жағдайда және тәртіппен тоқтатыла тұруы мүмкін.».

2-бап. Осы Заң алғашқы ресми жарияланған күнінен кейін күнтізбелік он күн өткен соң қолданысқа енгізіледі және 2020 жылғы 15 наурыздан бастап туындаған құқықтық қатынастарға қолданылады.

Қазақстан Республикасының Президенті Қ.ТОҚАЕВ

Нұр-Сұлтан, Ақорда, 2020 жылғы 16 мамыр

№330-VI ҚРЗ