Бескөл кентінде орналасқан «Құлагер» ипподромында Астана қаласы, Ақмола және Солтүстік Қазақстан облыстары шабандоздарының қатысуымен дүбірлі атжарыс өтті.
Бескөл кентінде орналасқан «Құлагер» ипподромында Астана қаласы, Ақмола және Солтүстік Қазақстан облыстары шабандоздарының қатысуымен дүбірлі атжарыс өтті.Абылай ханның 300 жылдығына арналған салтанатты шараны аймақ басшысы Самат Ескендіров ашып, қазақ халқының басын біріктіріп, іргелі елге айналдыра білген ұлы тұлғаның ел тарихындағы орнын ерекше атап өтті.
Одан кейін жұртшылық назарына дипломат қолбасшының ерлік өмірін үлгі ететін театрландырылған қойылым мен концерттік бағдарлама ұсынылды. Делебені қоздырған додалы бәйге құнан жарыспен басталып, бес шақырымдық қашықтықта 13 жастағы астаналық шабандоз Берік Айтбаевтың жүйрігі сөре сызығын бірінші қиды. Жорға жарыста ақмолалықтардың мерейі үстем болды. 15 шақырымдық аламан бәйгеде Беріктің Лама есімді сәйгүлігі оқтай ағып өте шықты.
Өмір ЕСҚАЛИ,
«Егемен Қазақстан».
Солтүстік Қазақстан облысы
