Отандық туризм: іркіліс пен ізденіс

Бурабай мен Алакөлде 350 мың адам демалды

Елімізде эпидемиялық жағдай на­шар­лаған кезде санитарлық дәрігерлер Шығыс Қазақстан облысындағы Алакөл жағалауында және Щучье-Бура­бай курорттық аймағында демалушы­ларды қабылдауды тоқтату туралы қаулы шығарған болатын. Туризм ин­дустриясы комитетінің төрағасы Дас­тан Рыспеков айтқандай, курорттық аймақтардағы демалыс орындарының үздіксіз жұмыс істеуін қамтамасыз ету, сондай-ақ бекітілген броньдар бойынша ақшалай қаражат қайтарылмауы үшін Мәдениет және спорт министрлігі өңірлердің әкімдіктерімен бірлесіп, санитарлық дәрігерлердің қаулыларына толықтырулар енгізу мүмкіндігін талқылаған. Нәтижесінде, алдын ала төленген бронь арқылы демалушыларды қабылдауға рұқсат етілді.

– Шығыс Қазақстан облысындағы Алакөл жағалауында отбасының бір мүшесіне ПТР анықтамасы болса, бұрын көзделген талаптарды ескере отырып демалуға болады. Блок-постардағы өткізу жүйесі туристерді орналастыру орындары ұсынған броньның бар-жоғы туралы деректермен салыстырылып, жіті тексеріледі, – дейді Туризм индус­триясы комитетінің төрағасы.

Комитет төрағасының айтуынша, қалалар мен облыстардың әкім­дік­терінде туристік нысандардың қабыл­данған алгоритмдерге сәйкестігін тек­се­ретін тұрақты мониторингтік топтар құрылған. Бизнес бұл мәселеге жауап­кер­шілікпен қарады, туристік маусым­ның басталуына мұқият дайындалып, қорғау құралдарын сатып алып, нысан­дардағы қауіпсіздікті қамтамасыз етудің барлық талаптарын сақтай отырып жұмыс істеді. Тиісті комитет өкілдері әкімдіктердегі әріптестерімен бірге бір­қатар демалыс базасын аралап, оған толық көз жеткізді. Бүгінгі таңда турис­терді орналастыру орындарының 75%-ға жуығының дайындық актілері бар,  келушілерді қабылдауға дайын.

– Егер бизнес пен азаматтар барлық санитарлық нормалар мен талаптарды сақтаса, ел карантиннен тез шығады, осы қиын кезеңдерден тез өтеміз. Әлеу­меттік қашықтықты сақтауды, бетперде тағуды, белгіленген карантиндік та­лаптарды ұстануды және демалыс орындарының шегінен шықпауды, ортақ пайдаланылатын жерлерге жиналмауды сұраймыз. Туристік бағыттардағы табиғи нысандар мен инфрақұрылымды пайдалануға барынша жауапкершілікпен қараңыздар. Сізден кейін басқалар келіп, табиғатымыздың сұлулығынан ләззат алу керек екенін есте ұстаған жөн, – дейді Д.Рыспеков.

Жыл басынан бері Щучье-Бурабай курорттық аймағында және Алакөл жағалауында 350 мыңға жуық адам демалды. Мұ­ны жақсы көрсеткіш деп айту қиын, әрине. Бұл аймақтар ғана емес, жалпы республика бойынша туристік сала көрсеткіштері төмендеді. Дегенмен, курорттық ны­сандар халық тарапынан дем­­алуға деген сұраныстың жо­ға­ры екендігін ескере отырып, са­ни­­тарлық-эпидемиялық жағ­­дай тұ­рақты болған жағ­дай­да күзгі-қыс­қы кезеңде көр­сетілетін қыз­мет түрлерін ке­­ңейтуді жоспарлап отыр.

Шетелге әуе рейстері ашылмақ

20 маусым мен 4 шілде ара­­лы­­ғындағы кезеңде 622 қа­зақ­­­стандық азамат турис­тік ком­­паниялардың жолдама­сы бо­йынша Түркияда демалуға мүмкіндік алған. Осылай­ша, сыртқы туризм саласындағы ком­паниялар туристер алдын­дағы, оның ішінде бұрын ауыс­ты­рылған жол­дамалар бойын­ша міндетте­мелерін орындауды бас­­тап кет­кен еді. Өкінішке қа­рай, эпиде­миялық жағ­дайдың на­шарлауына байланысты Түр­­­­киямен арадағы рейстер уақыт­ша тоқта­тылды.

Тиісті талап бойынша, ше­телде вирус жұқтырған Қазақ­стан азаматы басқа адамдардан оқшау­лануға тиіс. Ал емдеу ту­ристік нысан аумағында, яғни қонақүйде жергілікті кли­­ни­ка­лық хаттама аясында жүр­гі­зіледі. Шығындар турис­тік па­кетте қарастырылған сақ­тан­­­дыру есебінен өтелуге тиіс. Оның ішіне ПТР-тестінің құ­ны кіреді. Мысалы, Біріккен Араб Әмірліктерінде вирусқа екі рет тексеру жүргізіледі. Ресми мә­лі­метке сүйенсек, шетелде дем­­алуға кеткен 622 турист Қа­зақ­­станға оралуы керек.

Туризм индустриясы ко­ми­тетінің хабарлауынша, эпиде­миялық жағдайдың түзеліп ке­ле жатқанын ескере отырып, қазір бірқатар елдермен арада әуе қатынасын қалпына келтіру мәселелері қарастырылып жатыр. Соның нәтижесінде та­мыз айында Таиланд пен Гру­зияға рейс ашылуы мүмкін.

«Kazakh Tourism» жағдайға бейімделіп келеді

Сөз жоқ, пандемия дүние жүзі бойынша туризм саласына үлкен соққы болды, туристік компаниялар және осы сектормен ты­ғыз байланыстағы салалардың біразы оның зардабын әлі де шегуде. Соны ескере отырып,  «Ka­zakh Tourism» ұлттық компаниясы ішкі туризмді дамыту қызметі мен шығыстарын қай­та қарады. Компания басшысы Ержан Еркінбаевтың айтуынша, қалыптасқан жағдай ескеріліп, биылғы бюджеті 2019 жылмен салыстырғанда 56 %-ға қыс­қар­­ды. Штат саны да 20%-ға азайған.

– Басқарушы құрам да қо­сым­ша қысқартылып, бар­лық өндірістік шығындар оңтай­лан­дырылды. Бірақ карантиндік ша­ралар күшейген кезде ту­рис­тік ойындарды дайындау, өнімдердің ассортиментін ке­ңейту, жергілікті жерлерде сер­вис орнату мүмкіндігін барын­ша пайдалануға мүмкіндік бо­ла­тынын да ұмытпау керек. Са­наторилік-курорттық дем­а­лыс­қа, экологиялық, этногра­фия­­лық, аграрлық және туризм керуенін дамытуға, бала­лар мен жас­өспі­рімдердің демалы­сына, қол­өнер қызметтері са­пасына ба­са назар аудары­лады. Бұрын біз табысты ше­телдік тәжірибені зерт­тей отырып, ту­ристік қызмет­терді стан­дарт­тау­дың өзіндік мо­делін әзір­леуді жоспарлаған бо­латынбыз. Бүгінгі таңда бұл жұ­мысқа жер­­­гілікті сарапшылар­­ды тарту­ды бастадық, ол жылдың со­ңына қарай аяқталады. Шіл­де айының соңына дейін Қазақ­станда агротуризмді дамыту мо­делін әзірлеу бойынша да­ла­лық зерттеуді бастаймыз, со­ның шең­берінде туризмнің осы перспективалы түрін дамыту бойынша оңтайлы тәсілдер ұсы­нылады. Санаторлы-курорт­тық нысан­дар мен танымал туристік мар­шрут­тарға қатысты да зерттеу жүргізіледі, – деді «Kazakh Tou­rism» басшысы.

Оның айтуынша, «Батыс Еуро­па – Батыс Қытай» көлік дә­лі­зінің бір бөлігі туристер са­пар­лайтын орынға айналмақ. Эпи­демиялық жағдай жақ­сар­ған соң осы бағыт бойын­ша арнайы экспедиция жолға шы­ғады.

– Қыркүйек айында эпиде­мия­лық жағдай тұрақтан­ған кез­де караванинг-экспедиция ұйым­­дастыруды жоспарлап отыр­­мыз. Ондағы мақсат – Жібек жо­лының бойында кемпинг, ка­ра­ванинг және автотуризмді да­­­мыту. Экспедицияның жүру бағы­ты ретінде «Батыс Еуропа – Ба­тыс Қытай» көлік дәлізі бо­йын­дағы ҚХР шекарасынан Өз­бекстан шекарасына дейінгі жол таңдап алынды. Әлеуметтік қа­шық­тықты сақтай отырып дем­алудың ең көп тараған түрі дәл осы караванинг туризм. Қытай мен Ресейде ондаған миллион адам джип-турларды қоса алған­да, автоүйлермен, мотоциклмен немесе автомобильмен саяхатқа шығады, ал Еуропада жыл са­йын шамамен 6 млн автокеруен сапарлайды, – деді Е.Еркінбаев.

Этнотуризмге қатысты да қы­зықты жобалар бар. Мәселен, Жошы ханның мазары тартымды бағыттардың бірі саналады. Мемлекет басшысының тапсырмасы бойынша «Ұлытау» жобасы жүзеге асырылуда. Жыл соңына қа­рай «Жошы хан» тарихи-мә­дени кешенінің құрылысы аяқ­талады деп кү­тілуде. Кешен аума­ғында этноауылды орналас­тыру жос­парлануда. Туристерге жай­лы болу үшін қазір осы ба­ғыт­та инфрақұрылым салынып жатыр.