Олимпиадаға әлемнің 60 елінен 200-ден астам оқушы қатысты. Қазақстан осы турнирге іріктеу турлары мен Менделеев олимпиадасының жалпы рейтингісінің нәтижелері бойынша құрама команданың мүшесі болған 4 конкурсантты ұсынды.
Олимпиада қорытындысы бойынша құрама команданың барлық мүшелері қола медальға ие болды. Жеңімпаздар қатарында Павлодар қаласындағы химия-биология бағытындағы Назарбаев зияткерлік мектебі ДББҰ-ның оқушысы Хайдар Қайырбек; Нұр-Сұлтан қаласындағы химия-биология бағытындағы Назарбаев зияткерлік мектебі ДББҰ-ның оқушысы Әбілмансұр Мужубаев және дарынды ер балаларға арналған «Білім-инновация» лицей-интернатының оқушысы Бақдәулет Сейсенқұл; Алматы қаласындағы «Galaxy» халықаралық мектебінің оқушысы Кибриянур Абдугафарова бар.
Құрама команданың жаттықтырушылары – Қ.Сәтбаев атындағы Қазақ ұлттық техникалық зерттеу университетінің химиялық инженерия магистрі Ернұр Төлеп пен «Назарбаев Университетінің» магистранты Әзім Аманжолов еңбегінің нәтижесінде қазақстандық оқушылар химия пәнінен 52-ші халықаралық олимпиадада елімізді лайықты деңгейде көрсете білді.
Жалпы, Халықаралық химия олимпиадасы (International Chemistry Olympiad-IChO) – дарынды оқушыларға арналған химия пәні бойынша жыл сайын өтетін дәстүрлі халықаралық олимпиада.
