Аймақтар • 04 Тамыз, 2020

Айтылған ескертуді елер емес

99 рет
көрсетілді
1 мин
оқу үшін

Қоғамдық жағажайлардың жұмысына тыйым салынғанына қарамастан, тұрғындар Павлодар облысындағы су айдындарында шомылуды доғарар емес. Адамдар жабдықталмаған және тыйым салынған жерлерде шомылғандықтан, қайғылы жағдайларға әкеп соқтыруда.

Айтылған ескертуді елер емес

Жақында Ертіс өзенінің Сын­тас ауылынан бес шақырым жер­дегі жағалауында отбасымен бір­ге демалуға келген әкесі мен ұлы суға батып кетті. Жергілікті тұрғындар 1998 жылы туған жігіттің денесін судан алып шық­ты. Оқиға орнына келген «Өрт сөндіру және авариялық-құт­қару жұмыстары қызметі» ММ жедел-құтқару жа­сағының сүңгуірлер тобы 1973 жылы туған отағасын іздеу жұмыс­тарын әлі жалғастырып жатыр. Оның де­несі бүгінгі күнге дейін табылмады.

Павлодар облысының Төтен­ше жағдайлар департаменті ай­мақ тұрғындары мен қонақтары­на облыстың бас мемлекеттік са­ни­­тарлық дәрігері Батырбек Әлиев­­тің №8 қаулысының 10-тар­ма­ғына сәйкес өңірдің қо­ғам­дық жаға­жай­ларының қыз­метіне тыйы­м салын­ғанын еске салады.

Өткен тәуліктің ішінде де­партамент бөлімшелері об­лыс­тың су айдындарында 25 рейд жүр­гізген. 18 мамырдан бері де­партамент қызметкерлері жер­­­­­гілікті атқарушы органдар, жер­­­­гілікті полиция қызметі және қоғамдық ұйымдардың өкіл­де­рі­мен бірлесіп, барлығы 1682 рейд өткізді. Рейд барысында олар шомылу кезеңіндегі қа­уіп­­­­сіз­дік ережелері бойын­ша 12 мың­нан астам жадына­ма таратты. Қазақстан Рес­пуб­ликасы­ның «Әкім­шілік құ­қық бұзушылық­тар туралы» ко­дек­сінің 440-бабы бойынша 29 адам қоғамдық орындар­да алкогольдік ішім­дік­тер іш­ке­ні үшін әкімшілік жауап­­кер­шілікке тартылды, 225 адам 364-бапты бұзып, тыйым са­лын­ған жерлерде шомылған.