Қазақстан • 13 Тамыз, 2020

"АгромашХолдинг" KZ Австрияның PÖTTINGER компаниясымен ынтымақтастық туралы келісім бекітті

573 рет
көрсетілді
2 мин
оқу үшін

АгромашХолдинг KZ" АҚ отандық ауыл шаруашылығы машиналарын жасау кәсіпорны Еуропадағы ең табысты ауыл шаруашылығы техникасын өндірушілердің бірі – "PÖTTINGER" (Петингер) компаниясымен ынтымақтастық туралы келісім жасады, деп хабарлады ИИДМ баспасөз қызметі.

"АгромашХолдинг" KZ Австрияның PÖTTINGER компаниясымен ынтымақтастық туралы келісім бекітті

Бұл елімізде жұмыс істеуге ниетті кезекті ірі әлемдік машина жасау компаниясы. Жетекші шетелдік компаниялармен ынтымақтастық орнату отандық өнеркәсіптің басым бағыты болып табылады. Мысалы, өткен жылы Қостанайда "Кировец" зауыты салтанатты түрде ашылды, ал қазір елімізде "CLAAS" неміс техникасы зауытының құрылысы бойынша келіссөздер жүргізілуде.

Биыл "PÖTTINGER" жобаның бірінші кезеңін, яғни егіс кешендерінің бірлескен өндірісін іске қосуға дайын. Австриялық компания Қостанайдағы жаңа Оқшаулау орталығының аумағында орналасатын болады.

"PÖTTINGER инновациялық өндіруші ретінде әлемде өзін дәлелдеді. Бұл тек шығарылатын техникаға ғана емес, іс жүргізуге де қатысты. Сондықтан пандемияға қарамастан, бүкіл әлем бойынша кәсіпорындар өз өндірісін тоқтатқан кезде, біз Агромашхолдингтің Қазақстандағы барлық жетекші өндірушілерді біріктіруге деген ұмтылысын жоғары бағалаймыз", - деп атап өтті компанияның ТМД елдеріндегі тауарды өткізу жөніндегі директоры Александр Зернов.

Оқшаулау орталығы қазір қайта құру және инжиниринг сатысында. Зауыт алаңында 27 000 ш.м. жоғары өнімді заманауи станоктары бар әмбебап цехтар, кеңсе бөлмелері, оқу орталығы және қызметкерлерге арналған жатақхана орналасатын болады.

"Ұсынылған шарттар бизнесті ұйымдастыру үшін тиімді. Біздің өніміміз Қазақстанда сұранысқа ие екендігін көріп отырмыз, тиісінше егіс кешендерін оқшаулауды көптен жоспарлап отырмыз. Бүгінде бұл мүмкін болады", - дейді Александр Зернов.

"АгромашХолдинг KZ" зауытының өкілдері техника мен олардың құрамдас бөліктерін өндірушілердің жаңа ұсыныстары үшінәрдайым ашық. Екінші жағдайда, серіктестер машина жасау кәсіпорындары ұсынатын техникалық шарттарға сәйкес келетін компоненттердің кепілдендірілген сатылымына ие болады.

Оқшаулау орталығында ақпараттық қолдау көрсетуге, қажетті алаңдар, жабдықтар, құралдар мен еңбек ресурстарын ұсынуға дайын.