Қытай азаматтары өздері шығарған автокөліктерді сатып алмайды. Бұл туралы mail.ru сайтында мәселе көтерілді.
Қытайдағы автокөлік сатылымында шетелдік маркалар көш бастап келе жатыр. Әсіресе, мұндағы көлік базарларында өзге автокөліктерге қарағанда BuickExcelle мен Фольксвагеннің мәшинелері көптеп өтеді.
Қытайдағы авткөлік зауыты басшыларының пікірінше, мұнда жыл сайын көліктер сапалы әрі қауіпсіз болып шығарылуда. Соған байланысты оның бағасы да қомақты болып тұр екен. Ал орта жіктегі жергілікті тұрғындардың бұл көлікті алуға жағдайы көтермейді. «Біздің елде шығарылған автокөліктің сапасына баға беру өте қиын. Ал немістер мен француздар автокөлік жасаудың нағыз хас шеберлері», – дейді Қытайдың ауқатты тұрғыны. Осыған қарап мұндағы қалталы азаматтардың өздерінен шығарылған көліктерге сенімсіздікпен қарайтынын аңғарамыз.
Бұл Қытайдың жаңартылған Solano мен Smily автокөліктері, екеуі де заманауи көрінеді. Алайда, бұл жолы да қытайлық көлік өндірушілер көшірме әдісті қолданған. Мысалы, Соланоныңпішіні Лексусқа ұқсаса, Смайли дәл Фиат 500 маркасына сәйкес келеді.
