![Ел-жұрттың есендігі маңызды](/media/2020/08/19/turgan.jpg)
Алайда карантин шаралары жеңілдетілгенімен қауіпті індет елімізден толық кеткен жоқ. Әлі де сырқаттанып, емханада жатқан науқастар бар. Қаншама ақ халатты абзал жандарымыз сол науқастардың өмірі үшін, тезірек сауығуы үшін күн-түн демей, аянбай еңбек етіп жатыр. Әрине, бәріміз де бұрынғыдай баратын жерімізге барып, емін-еркін жүргіміз келеді. Ол күндерге де жақын қалды. Ол үшін бізге карантин талаптарын жан-жақты сақтауға тура келеді.
Соңғы айлар еліміз үшін өте ауыр болды. Талай адам жақын-жуығынан айырылды. Талай адамның жұмысы тоқтап қалды. Мұндай қайғылы жағдайлар, мұндай келеңсіздік енді болмасын деп тілейміз. Ең маңыздысы – ел-жұрттың амандығы. Ел-жұрттың амандығын ойласақ, карантин жеңілдетілді екен деп барлығын ұмытып, желпініп кетпейік, арқаны кеңге салмайық. Қырқына шыдадық қой, қырық біріне де шыдайық, ағайын!
Әділ ТҰРҒАНБАЕВ,
дәстүрлі әнші,
Мәдениет саласының үздігі
ӨСКЕМЕН