Аймақтар • 25 Тамыз, 2020

Жалағаш ауданында провизорлық стационар жабылып, соңғы 2 науқас үйіне қайтарылды

28 рет көрсетілді

Жалағаш ауданына қарасты Мәдениет ауылдық округіндегі ауруханада соңғы науқас емделіп шығып, провизорлық стационар жабылды, - деп хабарлайды Egemen.kz.

Індет өрши бастаған кезеңде осы ауруханадан провизорлық және КВИ стационарлар ашылып, 20 төсек орынға арналған аурухананың төсек қоры 105-ке жеткізілген еді. Дәрігерлер деңдеген дертке қарсы тұрып, күні-түні көз ілмей еңбек етіп, науқастардың өміріне араша болды.

"Соңғы уақыттың ішінде стационарға коронавирус, пневмония дертімен науқастар түскен жоқ. Бүгін мұндағы соңғы 2 науқасты шығарып, провизорлық стационарды жаптық. Енді дезинфекция жүргізіліп, аурухана халыққа қалыпты жағдайда қызмет көрсететін болады", – дейді провизор бөлімінің дәрігер меңгерушісі Әзизбек Жәмкеев.

Дәрігерлер провизорлық стационарда ем алып, үйіне асыққан соңғы 2 науқасты құрмет көрсетіп шығарып салды. Науқасынан айыққан азаматтар дәрігерлерге алғысын жеткізді.

Қазақстандағы және әлемдегі соңғы жаңалықтарды бірінші болып оқу үшін Telegram желісінде бізге жазылыңыз.

Соңғы жаңалықтар

«Указной молда»: Ол кім?

Руханият • Кеше

Қылаң

Таным • Кеше

Ұқсас жаңалықтар